Ushbu o'yin 4 may (juma) kuni “Bunyodkor” stadionida soat 18:00da boshlanadi.
Bellashuvdan oldin hamda tanaffus vaqtida, har doimgidek, muxlislar uchun o'zbek estradasi yulduzlari ijrosidagi koncert dasturi taqdim etiladi. Bu galgi mehmonlarimizdan biri – go'zal va latofatli Rayxon G'anieva.
SHu kuni stadionga kelgan tomoshabinlardan ikki nafari uylariga iPhone8 smartfoni bilan qaytishga muvaffaq bo'ladilar. O'zbekiston futbol associaciyasi hamda O'zbekiston Professional futbol ligasi tomonidan tasis etilgan sovg'alar sifatida muxlislar uchun lotereyada aynan shu 2ta iPhone8 smartfoni o'ynaladi.
Xotira va qadrlash kuni bayrami bilan butun xalqimizni tabriklagan holda, “Bunyodkor” - “Nasaf” uchrashuviga kirish ishqibozlar uchun bepul qilib belgilandi.
VIP sektoriga kirishni ixtiyor etganlar chiptalarni stadion kassalaridan sotib olishlari mumkin.
Barcha futbol ixlosmandlarini 4 may kuni “Bunyodkor” stadioniga, Superliganing yubiley - 10-tur bahsiga chorlab qolamiz!
“Bunyodkor” MUXLISLAR UCHUN o'ynaydi!
Bosh sahifaga
253