Andijonning ikki jamoasi Qozog'istondagi turnirning yarim finalida

Suratda: Farhod G'ofurov murabbiyligidagi Andijon VFIMI jamoasi

11 jamoa ikki guruhga bo'lingan holda bosh sovrin uchun kurash olib borishyapti. Takidlash joizki, ushbu musobaqada respublikamizning Andijon futbol akademiyasi, Qibray hamda Andijon viloyati futbolga ixtisoslashtirilgan maktab internati jamoalari ham o'z omadlarini sinab ko'rishmoqda. Endi guruhlar bilan tanishing:

“A” guruhi: Aris-1 (Qozog'iston), Andijon futbol akademiyasi (O'zbekiston), Qoziyurt (Qozog'iston), Qibray (O'zbekiston), Qirg'iziston o'smirlar jamoasi, So'zoq (Qirg'iziston)

“B” guruhi: Andijon viloyati futbolga ixtisoslashtirilgan maktab internati (O'zbekiston), Aris-2 (Qozog'iston), CHordara (Qozog'iston), Qorabuloq (Qozog'iston), Taraz (Qozog'iston)

O'z vaqtida mamlakatimizning bir qator klublarida to'p surgan Farhod G'ofurov boshchiligidagi Andijon viloyati futbolga ixtisoslashtirilgan maktab internati jamoasi azolari barcha uchrashuvlarni qo'tarinki kayfiyatda o'tkazib, “B” guruhida birinchi o'rinni qo'lga kiritishdi. Andijon VFIMI – Aris-2 – 1:1, Andijon VFIMI – CHordara – 4:0, Andijon VFIMI – 3:0, Andijon VFIMI – Taraz - 1:0. 

Malumot uchun, bugun mazkur turnirning yarim final uchrashuvlari bo'lib o'tadi. Aris-1, Aris-2, Andijon futbol akademiyasi hamda Andijon VFIMI final yo'llanmasi uchun kurash olib borishmoqda.