OCHL. “Lokomotiv”ning raqibi “Sepaxon” durang o'ynadi
/ Kiritdi: BestMaster O'qilgan: 1311
Bugundan boshlab “Lokomotiv”ning Oiyo chempionlar ligasidagi raqiblari haqida malumotlar berib boramiz.
Malumki, jamoamiz OCHLda “A” guruhidan joy olgan va “Al Nasr” (BAA), “Sepaxon” (Eron) hamda “Al Ittihod” (S.Arabistoni)/”Al Vihdat” (Iordaniya) juftligi g'olibiga qarshi bahs olib boradi.
Kecha “Sepaxon” safarda “Padideh” mehmoni bo'lib, 1:1 hisobida durang o'ynadi. “Sepaxon”ning ushbu o'yindagi tarkibi haqida hozircha malumot yo'q. Faqat shunisi aniqki, bu jamoadan Mehdi SHarifi gol muallifi bo'lgan. Eron chempionatida 16ta jamoa ishtirok etadi. 15-tur o'yinlaridan so'ng “Sepaxon” 22 ochko bilan 8-o'rinda boryapti.
OCHLda “Lokomotiv”ga raqib bo'lishi mumkin bo'lgan jamoalardan biri “Al Ittihod” ertaga navbatdagi tur uchrashuvini o'tkazadi. Bu jamoa 14 dekabr kuni safarda “Al Nasr”ga qarshi maydonga tushib, 0:3 hisobida yutqazib qo'ydi.
Ertaga esa “Al Ittihod” o'z maydonida “Al Taavon”ni qabul qiladi. Saudiya chempionatida 14ta jamoa ishtirok etadi. “Al Ittihod” 11-tur yakunlariga ko'ra, 20 ochko jamg'arib 4-o'rinda boryapti.
Hozirgina BAA chempionatida “Al Nasr”ning o'yini tugadi. Bu jamoa o'z maydonida “Al SHaab” bilan kuch sinashib, 5:1 hisobida g'alaba qozondi. Mazkur uchrashuvda “Al Nasr”ning braziliyalik legioneri Nilmar uchta gol urdi.
BAA chempionatida 14ta jamoa qatnashadi. “Al Nasr” 12 uchrashuvdan so'ng 24 ochko bilan uchinchi o'rinda boryapti.
Bosh sahifaga
214
