Aydaraning mo'jizali goli va Karasyovning omadsiz qarori. Zalcburgda nima sodir bo'ldi?

"Marsel" 53 daqiqaga qadar ikkita to'p farqi bilan ustunlik qilayotgan edi. Ammo, shu vaqtda ajoyib voqea sodir bo'ldi. "Buqalar"ning yarim himoyachisi Amadu Aydara jarima maydonchasidan uzoqda Yoana Peledan to'pni olib qo'ydi va ko'p o'ylab o'tirmay to'pni raqib darvozasiga osonlik bilan joylab qo'ydi. Bu holatda Pelening ismi Aydaraning o'zi uchun mos keldi. 20 yoshli malilik futbolchi 4 nafar raqib futbolchisini ortda qoldirib gol urdi.

KARASYOV YANA CHETLATDI

Keyinroq rossiyalik hakamlar brigadasi Sergey Karasyov va uning yordamchilari Anton averyanov va Tixon Kalugin birinchi planga chiqishdi. Ushbu yarim final Karasyov uchun bu yilgi Evropa ligasidagi beshinchi o'yin bo'ldi. Bungacha u "Xayduk" - "Everton", "Konyaspor" – "Marsel", "Red Bull Zalcburg" – "Real Sosedad" va "Atletiko" – "Sporting" jamoalari o'rtasidagi uchrashuvni boshqargan. Karasyov o'tkazgan mana shu o'yinlarda 3ta penalti belgilagan va 2 nafar futbolchini maydondan chetlatgan. Moskvalik hakam Avstriyada 11 metrlik nuqtani ko'rsatishni yodidan ko'tardi, ammo yana qizil kartochka ko'rsatdi.

Avval "Buqalar" 65 daqiqada ikkinchi golni raqib darvozasiga urganda "Marsel" futbolchilari Karasyovga etiroz bildirishdi. Aniqrog'i, "Marsel" himoyachisi Buna Sarra o'z darvozasini ishg'ol qilib qo'ygandi. Franciyaliklar hujum vaqtida o'yindan tashqari holatda bo'lishdi va to'pni qo'li bilan o'ynab ikkita qoidabuzarlikni amalga oshirishdi. Bu vaziyatda Karasyov yordamchilari bilan to'g'ri qaror qabul qilishdi. 87 daqiqada "Zalcburg" himoyachisi Duye CHaleti-Caraning qo'liga to'p tekkandan keyin rossiyalik hakamda 11 metrlik jarima zarbasi belgilashga asos bor edi. Xorvat biroz qo'rqib ketdi va o'yin qo'shimcha taymlarga ulanib ketdi.

NOHAQ BURCHAK TO'PI

O'yin penaltilar seriyasiga qadar davom etishi mumkin edi, ammo 116 daqiqada Karasyov shubhali qaror qabul qildi. To'p "Marsel" futbolchisidan maydon tashqarisiga chiqib ketgan bo'lsa ham, rossiyalik bosh hakam "Zalcburg" darvozasi tomon burchak zarbasi belgiladi. Dmitri Payet burchak zarbasidan ajoyib tarzda to'pni jamoadoshlariga uzatdi, zaxira o'rindig'idan maydonga tushgan Rolandu haqiqiy hujumchilardek o'yin ko'rsatdi va to'pni raqib jamoa darvozasiga joylab qo'ydi.

Agarda final hushtagi chalingunga qadar biroz ko'proq vaqt bo'lganida, avstriyaliklar o'yindan burilish yasashi mumkin edi. Uch daqiqadan so'ng, Aydara antiqahramonga aylanmasligi uchun, o'yin tizginini o'zgartirdi. Malilik futbolchi Payetga nisbatan qo'pollik ishlatdi va sariq kartochkaga loyiq ish qildi. Karasyov "Zalcburg" futbolchilariga bor yo'g'i 14 marotaba sariq kartochka ko'rsatdi. SHulardan ikkitasi qizil kartochkaga qadar bordi. Rossiyalik hakamlar uchun ikki soat juda ham qiyin o'tdi.

Endi "Marsel" 16 may kuni Lionda Evropa ligasi finalida Ispaniyaning "Atletiko" jamoasiga qarshi bahs olib boradi.

Championat.com saytidan Jahongir Sotvoldiev tarjimasi