- Oybek aka, bugungi qo'lga kiritilgan g'alaba bilan tabriklaymiz. Kechagi uchrashuvdan farqli ravishda ravishda bugun “So'g'diyona” futzal jamoasi g'alaba qozondi. Kecha mag'lubiyat va bugun esa xuddi shu jamoa ustidan g'alaba. Buni qanday izoxlaysiz?
- Biz kechagi mag'lubiyatdan to'g'ri xulosa chiqardik. Kechagi o'yinda qo'l qo'ygan xatolarimizni tahlil qilib chiqdik, yo'l qo'ygan kamchiliklarimizdan xulosa chiqardik. Ikkinchi o'yinga tarkibimizda ham o'zgarish qilishga majbur bo'ldim. “Neftchi” futzal jamoasiga qarshi yangi taktika bilan bugungi o'yinda maydonga tushdik va bu samara berdi deb o'ylayman.
- Bu murabbiyning shogirdlarini o'z vaqtida ruhlantira olganligidan dalolatmi?
- Ha, menimcha shunday, xatolar ustida ishladik va g'alaba qozondik.
- “So'g'diyona” futzal jamoasiga yosh o'yinchilarni saralash, selekciya ishlari haqida gapirib o'tsangiz...
- Biz Jizzax viloyatida o'tkazilgan ikkinchi liga bahslaridan yosh iqtidorli o'yinchilarni mavsum boshida tarkibimizga jalb etdik. Tarkibimiz asosan yosh mahalliy futbolchilardan iborat.
- Mavsum davomida ham yosh iqtidorli futbolchilarni tarkibga jalb etib borasizlarmi?
- Ha, biz doimiy ravishda yosh futbolchilarni kuzatamiz, ular orasidan iqtidorlilarini tarkibimizga jalb etamiz. Bizga etibor berib, sharoit yaratayotganliklari uchun “So'g'diyona ” klubi rahbariyatiga, O'FAga, PFLga amalga oshirilayotgan islohotlar uchun minnatdorchilik bildiraman. Futzalda uy-safar tizimini joriy qilinishi futzal jamoalarini yanada kuchayishiga olib keladi.
Bekzod Tolibov yozib oldi.
Bosh sahifaga
222
