- SHuhrat, bugungi uchrashuvda mehmonlar safida eng yaxshi o'yinchi deb topilganligingiz bilan tabriklaymiz. Bugungi o'yin haqida fikrlaringiz qanday? Kecha mag'lubiyat, bugun esa xuddi shu jamoa ustidan g'alaba.
- Birinchi navbatda jamoamiz bilan ahil harakat qildik. Kechagi uchrashuvda ham yomon o'yin ko'rsatmagandik, jamoamiz tarkibi yosh mahalliy futbolchilardan iborat bo'lganligi uchun bir oz omad etishmay mag'lub bo'ldik. Bugungi uchrashuvga keladigan bo'lsak, bir o'zim to'rtta gol urishimda bu jamoadoshlarimni qo'llab quvvatlaganligi sabab bo'ldi. Futbol jamoaviy o'yin, shu bois barchasini jamoaviy o'yin hal qiladi. Jizzaxllik muxlislarmix kechagi uchrashuvdan so'ng bizga qo'ng'iroq qilishib qo'llab-quvvatlashdi, ularning ishonchlarini oqlaganligimiz uchun xursandman, mini-futbolni muxlislar uchun o'ynaymiz.
- Kelajakda SHuxrat Suyarqulov O'zbekiston milliy futzal terma jamoasida o'ynash orzusi bormi?
- SHu sportga kirib kelganimdan buyon eng katta orzuim, milliy terma jamoa safida maydonga tushish. Nafaqat futzal, balki katta futbolda ham o'zimni sinab ko'rmoqchiman. Maqsadim o'zbek futboli uchun kerak bo'lsa jonimni berib, dunyo maydonlarida vatanimiz sharafini munosib himoya qilishdan iborat, o'z ustimda muntazam ishlayman.
- Mashhur futzalchilardan kimlarga muxlislik qilasiz?
- O'zbek futzalchilaridan Javlon Anorov, Farhod Abdumavlonovlarga muxlislik qilaman, ular ko'rsatadigan o'yinlariga judayam qiziqaman, bizga ham shu futzalchilar darajasiga chiqish nasib etsin. Evropada asli braziliyalik bo'lgan Rossiya terma jamoasi azosi Eder Limaning o'yinlari menga juda yoqadi, undan o'rganaman.
Bizga sharoit yaratib berayotganliklari uchun klubimiz rahbariyatiga, qo'llab-quvvatlagan muxlislarga rahmat, biz ular uchun ham g'alaba qozonishimiz kerak deb o'ylayman.
Bekzod Tolibov yozib oldi.
Bosh sahifaga
1778