- “Qo'qon-1912” yaxshi jamoa va ular safida yuqori saviyali futbolchilar bor. Oxirgi o'yinlarda bu jamoa o'zini ko'rsatdi. Har bir raqibga jiddiy qarshilik ko'rsata oladigan salohiyatga ega. Bo'lajak o'yinning qiziqarli o'tishini kutyapmiz.
Tayyorgarlikni yuqori darajada olib boryapmiz. Mashg'ulotlarda barcha faol ishlashga intilmoqda. Har doim bunga harakat qilishimiz lozim. Keskin kechadigan uchrashuvlarga tayyor holatda bo'lishimiz kerak.
“Paxtakor”dan hamisha yuqori natijalar kutishadi. Hamisha yutuqlar talab etishadi va buni to'g'ri tushunamiz. Jamoa tobora yaxshiroq holatga kirib bormoqda. Lekin birinchi navbatda natijalarimiz ijobiy bo'lishi shart. Qolgan jamoalarni yaxshi o'yin namoyish etib, ochko yo'qotgani uchun olqishlashlari mumkin, lekin “Paxtakor” shunday jamoaki, bizda muvaffaqiyat ham bo'lishi darkor. Aynan shu yo'lda bor kuchimizni beramiz.
Bosh sahifaga
215
