SHulardan biri Yaponiyaning "Asahi TV" muxbiri Yota Nagaxata. Malumki, O'zbekiston terma jamoasi "F" guruhida Yaponiyaga qarshi bahs olib boradi. SHu bois yapon jurnalistining fikrlari biz uchun qiziq bo'ldi.
- "Qura yaxshi o'tdi. Barcha guruhlar teng deb o'ylayman. Albatta, meni birinchi navbatda Yaponiyaning qaysi guruhga tushishi qiziqtirdi. Guruhimiz yaxshi ko'rinish oldi, birinchi-ikkinchi o'rinlar uchun O'zbekiston va Yaponiya kurashadi. Yaponiya turnir g'olibligini qo'lga kirita oladimi? Bir narsa deyish qiyin, chunki bizning terma jamoada o'ynayotgan ko'p futbolchilarning yoshi katta va ularning aksariyati Jahon chempionatidan keyin faoliyatini tugatsa kerak. Keyin esa yoshlardan yangi jamoa tuzish kerak bo'ladi".
- "O'zbekiston o'ziga yarasha kuchli jamoa. Bu jamoaga qarshi o'ynash biz uchun ham qiziq bo'ladi. Menimcha, bu safar Osiyo Kubogini G'arb vakili yutsa kerak. Taxminim BAA yoki Saudiya Arabistoni. Balki Eron bo'lishi mumkin. CHunki musobaqa G'arbda o'tkaziladi va etibor ham ko'proq g'arbliklar tomoniga bo'ladi. Yaponiya terma jamoasini hozir mahalliy murabbiy mundialga tayyorlamoqda. U aslida murabbiy emas, balki menejer sifatida bilamiz. Lekin federaciya shu qarorga kelib terma jamoaga tayinladi. Vohid Xalilxodjich yaxshi ish olib borayotgandi, biroq u oxirgi paytlarda futbolchilar hamda federaciya rahbarlari bilan janjallashadigan bo'lib qolgandi. SHu bois tezda istefoga chiqarildi".
X.Xoliqov, Dubaydan maxsus.
Yaponiyalik jurnalist: "Menimcha, Osiyo Kubogini bu safar G'arb jamoasi yutadi"
/ Kiritdi: BestMaster O'qilgan: 559
Bosh sahifaga
103