"Real"ni "dabdala qilgan" "Barselona"ning 4 futbolchisi haqida fikr yuritamiz.
4. ROMARIO
1994 yil bundan-da yomon boshlanishi mumkin emasdi.
"Real" "Barselona" maydoniga safar uyushtirdi va tarixdagi eng yomon mag'lubiyatini qayd etdi. O'shanda Yoxan Kroyffning boshchiligidagi orzular jamoasi unutilmas g'alabani qo'lga kiritgandi.
"Barselona" superyulduzi Romario o'zining eng yaxshi holatida edi. U "Real"ga qarshi bahsda xet-trik qayd etdi. SHuningdek, Ronald Kuman va Ivan Iglesias ham raqib darvozasini ishg'ol qildi.
Birgina Romarioning o'zi "Real"ni dovdiratib, barcha ishni deyarli bir o'zi hal qildi.
3. GARI LINEKER
"El Klasiko"dagi eng yaxshi ingliz futbolchilardan biri.
1987 yilda "Barselona" "Kamp Nou"da "Real"ni mehmon qildi. Angliyalik futbolchi esa dastlabki 5 daqiqadayoq raqib darvozasini 2 bora ishg'ol etdi.
Lineker jarima maydonchasi ichida tulkiga mos ayyorlik bilan harakat qilardi. Ilk gol Viktor Munoz, ikkinchisi esa Karraskodan qabul qilib olingan pasdan keyin urildi.
Lineker uchrashuvda xet-trik qayd etdi. Biroq uchrashuv yakuniga qadar kataloniyaliklar 2 gol o'tkazib yuborishdi. Yakuniy hisob - 3:2.
2. LEO MESSI
Leo Messi "Real"ga urgan golini qanday nishonlaganini hamma eslasa kerak.
So'nggi yillarda "Barsa" "Real"ni ko'proq mag'lub etmoqda. U 2009 yilda 6:2, 2010 yilda 5:0 hisobida yakunlangan o'yinda xet-trik qayd etdi.
U "El Klasiko" tarixida eng ko'p gol urgan va assistent bo'lgan futbolchi - 25 gol, 14 assistentlik. O'tgan mavsumda "Santyago Bernabeu"da o'tgan uchrashuvda Messi so'nggi daqiqalarda gol urib, jamoasiga g'alaba keltirgandi.
Siz Messi 1-o'rinda bo'lishini kutganmidingiz? Demak, adashibsiz.
1. RONALDINO
Messiga qadar Ronaldino o'zining brazilcha o'yin uslubi bilan "Real"ni tiz cho'ktirishga erishgandi.
Samuel Eto'Odan keyin kataloniyaliklarda Ronaldino ismli futbolchi etakchilikni o'z qo'liga olgandi. 2005 yildagi "El Klasiko"da u Salgado va Ramosni qanday qiynagani ko'pchilikning yodida bo'lsa kerak.
"El Klasiko" tarixidagi eng chiroyli voqealardan biri sodir bo'ldi. Madrid jamoasi tarafdorlari "Bernabeu"da Ronaldinoning o'yinlariga qarsaklar chaldilar va shunday harakatlari uchun minnatdorlik bildirdilar.
Mirjalol Normatov tarjimasi
Bosh sahifaga
341