- Bugun sizning jamoangiz qiyin g'alabani qo'lga kiritdi. Avvalo g'alaba bilan tabriklaymiz. Uchrashuv haqidagi fikrlaringiz qanday?
- Rahmat tabrik uchun! Bugun biz PRO-Liga “V” gruhidagi eng kuchli jamoalardan biriga qarshi maydonga tushdik. “Zomin” jamoasi ancha vaqtlardan beri ilgarigi “Birinchi liga” bahslarida muntazam qatnashib kelgan jamoa, bu jamoa har doim o'z oldiga yuqori maqsadlarni qo'yib keladi. Bugun biz raqibimizning kuchidan kelib taktika tanladik, himoyaviy o'yin ko'rsatik va o'zimiz uchun kerakli bo'lgan natijaga erishdik, bundan judayam xursandman.
- Bundan kelib chiqish mumkinki, bugun bosh murabbiy qo'llagan taktika ish berib, “Yozzvon” jamoasi g'alaba qozondi...
- Yuqorida aytdim, bugun raqibimiz juda kuchli edi, shu bois o'yinga jiddiy hozirlik ko'rdik. Biz qo'llagan himoyaviy o'yin bugun ish berdi. SHuningdek biz tanlagan taktikani futbolchilarimiz maydonda ijro etib berishdi, bular bizning g'alabamizni taminlovchi omillar bo'ldi. Uchrashuvda shunday vaziyat bo'ldiki, bizning futbolchimiz yakuniy pallada xatoga yo'l qo'ydi va “Zomin” jamoasi juda qulay imkoniyatga ega bo'ldi. Darvozamizga kirib ketayotgan to'pga bir amallab himoyachimiz ulgurib qoldi. Agar raqib shu vaziyatda gol kiritganda bugungi rejalarimiz barbod bo'lishi tayin edi.
Bekzod Tolibov yozib oldi.
Bosh sahifaga
107