- “SHo'rtan” bilan bahs og'ir o'tishi malum edi. Pro-Ligada oson o'yinning o'zi yo'q. Klub meni oldinroq bosh murabbiy sifatida elon qilgan bo'lsada, ko'rdingiz, aynan “SHo'rtan” bilan uchrashuvdan oldin PFL ro'yxatidan o'tib, murabbiylar o'rindig'idan o'rin oldim. Afsuski, o'tgan turdagi “Surxon”ga qarshi bahsdan farqli o'laroq, bugun jamoaga ishtiyoq, xohish va jangovarlik kamlik qildi. SHu bois ochko yo'qotdik. Mashg'ulotlarda yigitlar bilan ishlayotgan bo'lsakda, afsuski, o'yin davomida jamoa berilayotgan ko'rsatmalarimning yarmini ham bajara olishmayapti. Klubning mavsum oldi selekciya ishlari qanday olib borilganligi menga qorong'u, ammo bu ham natijamizga tasir qilmoqda. Futbolchilarning ayni damdagi o'yinidan ham, harakatidan ham, holatidan ham qoniqayotganim yo'q”.
“Jamoaga kelganimda rahbariyatiga Superligaga olib chiqishni vada bermagan bo'lsamda, “Dinamo”ga qo'limdan kelgancha imkonqadar yordam berishimni aytganman. Hozirda futbolchilar ruhiy bosimda. Bunday paytda faqatgina murabbiylar va klub emas, muxlislarimiz ham jamoani qo'llab-quvvatlashlari lozim. Aks holda o'yin davomidagi kuchli ruhiy bosim futbolchilarga jiddiy tasir qilayapti. SHunday ekan, hali imkoniyat bor ekan, jamoani hozirgi holatidan olib chiqishimiz uchun barchamiz birga yakdil bo'lib harakat qilishimiz shart. Aks holda vaziyatdan chiqib ketish og'ir bo'ladi. SHu bois muxlislarimizdan jamoani har qanday holatda ham qo'llab-quvvatlashlarini so'rab qolardim”.
“Raqib jamoa “SHo'rtan” Pro-Ligadagi hurmatga sazovor jamoalardan biri. Ular so'ngi safar bahsida “Andijon”ni mag'lub etishgani ularning kuchiga bahodir. Bugun omad biz tomonda bo'lmadi, aks holda g'alaba qozonishimiz mumkin edi. Mehmonlar ham g'alabani ilib ketish uchun imkoniyatiga ega bo'lishdi. Ikkinchi bo'limda hujumkor o'yin namoyish etib, vaziyatlardan foydalanishimiz kerak edi. Pro-Ligada dam olishga vaqt yo'q, yana 4 kundan keyin “Orol” bilan bahsga tayyorgarlik ko'rib, ijobiy natija qayd etishga intilamiz” – dedi “Dinamo” bosh murabbiyi Davron Fayziev.
Usmon Ibodov yozib oldi.
Bosh sahifaga
219
