“B” guruhidagi 4ta uchrashuvda ham huddi “A” guruhidagi kabi jami 9ta gol qayd etildi. Har bir o'yinga o'rtacha 2tadan gol demakdir. Eng tezkor gol Toshkentda kechgan “Lokomotiv-BFK” – “SHerdor” uchrashuvida kuzatildi. Bahsning 2-daqiqasi o'tib borayotganida mehmonlar tezkor gol kiritib, hisobni ochishga erishdi. Aniqrog'i, G'olibjon Sariboev “Lokomotiv-BFK” darvozasini aniq nishonga oldi. Ushbu tezkor gol yakunda samarqandliklarning g'alabasiga zamin yaratganini aytish lozim.
Turning eng so'nggi soniyada kiritilgan goli ham aynan “Lokomotiv-BFK” – “SHerdor” bahsida kuzatildi. 85-daqiqada Sanjar Ahmedov mehmonlarning uchinchi golini kiritdi.
7-turda dublga erishgan yagona futbolchi – Saidjon Ashurov bo'ldi. “Labsa” hujumchisi jamoasining “Iftixor”ga qarshi o'tkazgan o'yinida raqib darvozasiga ikkita to'p kiritib, “Labsa”ga irodali g'alabani taqdim etdi.
Uchrashuvlarning birinchi bo'limida 3ta to'p kiritildi. Ikkinchi taymda esa yana 6ta gol qayd etildi.
Mezbonlar tomonidan kiritilgan gollar soni 3tani tashkil etgan bo'lsa, qolgan 6ta to'p mehmonlar hisobiga yozildi.
“Yozyovon”, “Nurafshon” va “SHerdor” jamoalari ushbu turda o'z darvozasi dahlsizligini saqlab qolishga erishdi.
7-turda kimlar gol urdi?
1. Zohid Ismoilov – “Yozyovon”.
2. Orifxo'ja Abduxoliqov – “Nurafshon”.
3. Farrux SHotursunov – “Nurafshon”.
4. G'olibjon Sariboev – “SHerdor”.
5. Nurbek Olmasov – “SHerdor”.
6. Sanjar Ahmedov – “SHerdor”.
7. Saidjon Ashurov (2ta)– “Labsa”.
8. Orif Mamajonov – “Iftixor”.
Bosh sahifaga
107