Undagi jamoalar esa azaliy raqiblar. Ikki jamoalar siyosiy va moliyaviy tomondan baquvvat bo'lganligi uchun doimiy raqobatdalar va bugungi kunga qadar dunyoga mashhur futbolchilarni etishtirib bergan.
"Real" va "Barselona" o'rtasida bir necha bora futbolchilar transferlari kuzatilganligin barcha yaxshi biladi. Biz ayni damda shu borada to'xtalamiz.
MIKAEL LAUDRUP
Daniyalik inson "Barselona" tarixidagi eng yaxshi futbolchilardan biri bo'lgan. U 1989 yilda "Yuventus"dan Kataloniya jamoasi safiga borib qo'shildi va Gari Linekerning o'rnida harakat qiladi. "Barsa"ga o'tgunga qadar u "Yuve" bilan A Seriya hamda Qitalararo kubok turniri g'olibligini qo'lga kiritdi va butun dunyoda mashhur bo'ldi.
U Ronald Kuman va Xristo Stoichkov bilan birga o'ynagan va "Barselona"ning oltin davridagi eng yaxshilaridan bo'lgan.
1993/94 yilgi mavsumda jamoa bosh murabbiyi Yoxan Kroyff braziliyalik Romarioni jamoaga olib boradi va Laudrupni zaxiraga o'tkazib qo'yadi. Bu holat esa Mikaelni boshqa jamoaga o'tishga chorlaydi.
O'sha mavsum yakunlanganidan keyin "Real" ushbu futbolchi bilan shartnoma imzolaydi va Laudrup "qirollik klubi" bilan LaLiga g'olibligiga erishadi.
Ayni damda Laudrup Qatarning "Al Rayyan" jamoasini boshqarmoqda.
LUIS MILYA
Ispaniyalik futbolchi nafaqat "Barselona", balki "Real" uchun muhim himoyachilardan biri bo'lgan. Milya "Barselona"da 1984-1990 yillar oralig'ida harakat qilgan va klubi bilan ketma ket LaLiga, Kopa del Rey va Evropa kubogini qo'lga kiritgan.
1990 yilda esa Yoxan Kroyff uni "Real"ga olib o'tgan. Luis "Real"da ham dahshatli o'yin namoyish etdi va o'zining eng yaxshi davrlarini o'tkazdi. 1993 yilda Ispaniya kubogi qo'lga kiritilishida o'zining katta hissasini qo'shdi.
"Valensiya" tarkibida 4 yil o'ynaganidan keyin futbolchilik faoliyatini yakunladi. Ayni damda u Indoneziya terma jamoasi bosh murabbiyi bo'lib ishlamoqda.
BERND SHUSTER
SHuster "El Klasiko"da ikki tomonda ham o'ynagan kam sonli futbolchilardan biri bo'lgandi.
U 1980 yillarda "Barselona"ning asosiy futbolchilaridan edi. Garchi Kataloniya jamoasi tarkibida yaxshi harakat qilgan bo'lsa-da, klub rahbariyati bilan yaxshi munosabatda bo'lmagan.
8 yillik faoliyatidan keyin u "Barselona"dan "Real"ga o'tgan. SHunisi qiziqki, SHuster "Real"da 2 yil to'p tepib, "Atletiko"ga o'tdi.
Germaniyalik 1997 yilga kelib, Meksikaning "UNAM Pumas" jamoasi tarkibida faoliyatini yakunladi.
Ayni damda u Xitoyning "Dalyan Ifan" jamoasini boshqarmoqda.
XOSEP SAMITER
Samiter "Barselona" tarixidagi eng mashhur futbolchilardan biri. U Kataloniya klubi tarkibida 454 uchrashuvda qatnashib, 333 gol kiritgan. Paulino Alkantara va Leo Messi bilan birgalikda klubning eng yaxshi to'purarlari uchligidan o'rin olgan.
Xosep o'z vaqtida Evropaning eng yaxshi hujumchilaridan biri bo'lgan. Uning o'yin uslubi boshqacha edi. SHu boisdan uni "El Mag" (sehrgar) va "Xoum Lagosta" (chigirtka) deb atashgan.
1933 yilda Samiter "Barselona" rahbariyati bilan chiqishmay qoladi va asosiy tarkibdagi joyini yo'qotib qo'ydi. Uzoq muddat zaxirada o'tirganidan keyin u 1934 yilda "Real"ga ko'chib o'tdi.
SHunga qaramasdan u "Barselona" afsonasi bo'lib qoldi. 1972 yilda esa vafot etdi.
LUISH FIGU
"El Klasiko"ning ikki jamoasida o'ynagan eng shafqatsiz futbolchilaridan biri.
Portugaliyalik futbolchi 1995 yilda "Barselona" tarkibiga borib qo'shilgan. U o'z mahorati va chiroyli o'yinlari sababli jamoa bilan 172 uchrashuvda maydonga tushdi va 30 gol kiritdi.
2000 yilning yozida esa u Kataloniyadan Madridni afzal ko'rdi. Uning "Real"ga transferi rekord darajada edi. Figu "Real"ga o'tishi orqali "Barselona" muxlislari ko'ziga yomon ko'rinib qoldi.
"Real" bilan "Kamp Nou"ga qaytganida muxlislar Figuning boshiga pul va cho'chqa o'yinchoqlarni otishdi. "Real" tarkibida u chiroyli o'yin ko'rsatdi va 2001 yilda FIFA uni eng yaxshi futbolchi deb elon qildi.
Mirjalol Normatov tarjimasi
Bosh sahifaga
214
