SHundan beri oradan 20 yil o'tdi va yaponiyaliklar o'tgan vaqt ichida birorta ham mundialni o'tkazib yuborishmadi. Faqat Braziliyagina o'z debyutini nishonlaganidan beri muntazam mundialda qatnashib kelayotgan jamoa hisoblanadi. Bu borada Yaponiya ikkinchi o'rinda.
FIFA rasmiy sayti Yaponiyaning JCHlardagi ishtirokiga nazar tashlab, o'tgan 20 yil ichida "samuraylar" qanchalik o'zgargani haqida maqola chop etdi.
1998 yil. Yaponiya o'zini dunyoga tanitdi
Ishtirok: Guruh bosqichi
Yaponiyaning ilk ishtiroki JCH-98ga to'g'ri keladi. O'shanda kunchiqar yurt vakillari Argentina, Xorvatiya, Yamayka bilan bir guruhdan joy olishgandi. Garchi jamoa guruhdan chiqa olmagan bo'lsa-da, Nakata, SHinji Ono kabi futbolchilarni dunyoga tanitib bergandi.
Fikr: "Men haqiqiy futbolni Yaponiyadan chetga ketgach ko'rdim. Menda xorijga chiqish imkoniyati yo'q edi, chunki Jey-ligani hech kim ko'rmasdi. Jahon chempionatida qatnashish esa ko'plab futbolchilar uchun chetga chiqish eshiklarini ochdi". (Xidetoshi Nakata, 1998 yilgi JCHda o'ynagan futbolchi)
2002 yil. Muxlislarga hadya etilgan quvonch
Ishtirok: 1/8 final
Oradan to'rt yil o'tib mundial ikki mamlakat - Janubiy Koreya vaa Yaponiyada tashkil etildi. Yaponlar uydagi o'yinlarda o'zlarini ko'rsatmasa bo'lmasdi. Jamoa chindan ham yaxshi o'ynadi va hatto Rossiyani mag'lub etishning uddasidan chiqdi. Ammo nimchorak finalda Turkiya ularni to'xtatdi.
Fikr: "2002 yilgi jahon chempionatining Vatanimizda o'tkazilishi juda katta voqeilik bo'ldi. Mana shu mundial sabab hali ko'rasizlar o'nlab futbolchilarimiz xorij klublariga yo'l oladi" (Tsuneyasu Miyamoto, mundialdan so'ng bergan intervyusidan)
2006 yil. Guruhdan chiqa olmaslik
Ishtirok: Guruh bosqichi
JCH-2006da braziliyalik murabbiy Ziko boshchiligida Yaponiya guruhdan chiqishni maqsad qilgandi, ammo yakunda bunday bo'lmadi. Braziliya, Xorvatiya va Avstraliya orasiga tushib qolgan yaponlar maqsadga erisha olmadi.
Fikr: "Hammasi juda yomon yakun topdi. Afsus. Biz guruhdan chiqamiz deb o'ylagandik". (Ziko, Yaponiya termasi sobiq bosh murabbiyi)
2010 yil. Afrikadagi shijoat
Ishtirok: 1/8 final
Guruhda Daniya va Kamerunni ortda qoldirib Gollandiyadan so'ng ikkinchi o'rin bilan Yaponiya kichik sensaciya qayd etgandi. O'shanda Keysuke Xonda porlagandi. Ammo 1/8 finalda ular Paragvayga penaltilar seriyasida mag'lub bo'lishadi.
Fikr: "Bugun Yaponiya futboli uchun o'zgacha kun. Terma jamoaning mundialdagi ishtiroki yoshlar ongiga qattiq tasir qiladi. Biz ham futbol o'ynay olishimizni ko'rsatib berdik". (Daysuke Macui, JCH-2010 ishtirokchisi)
2014 yil. Yana orqaga qadam
Ishtirok: Guruh bosqichi
Yaponiya yana guruhda qolib ketdi. Jamoa uchta o'yinning bittasida durang o'ynab, ikki bor yutqazdi. Yaponiya o'z guruhida Kolumbiya, Greciya va Kot-d'Ivuarga qarshi bahs olib borgandi.
Fikr: "Biz uchun muhimi hozirgi mavqeni saqlab qolish. Guruhdan chiqa olmaganimizdan xafamiz, lekin ko'rsatgan o'yinimizdan uyalmaymiz". (Makoto Xasebe, JCH-2014 ishtirokchisi)
2018 yil. Bu safar nima bo'ladi?
Mana endi Yaponiya o'z tarixida ketma-ket oltinchi marta mudialda ishtirok etadi. Xo'sh, bu gal guruhdan chiqa oladimi? Jamoa bosh murabbiyi Akira Nishinoning aytishicha, guruhdan chiqish uchun imkoniyat yaxshi, biroq hamma gap futbolchilarning qanday harakat qilishida. Yaponiya o'z guruhida Senegal, Polsha va Kolumbiyaga qarshi o'ynaydi. Jamoa mundialda Osiyo sharafini munosib himoya qila oladimi? Bu savol hozircha javobsiz qolmoqda.
Bosh sahifaga
329