Ushbu kun munosabati bilan “Navbahor” PFK direktor birinchi o'rinbosari Ilhomjon Mirzaboev, “Markaziy” o'yingoh direktori Nabixon Abdug'aniev, klub marketing bo'limi boshlig'i Sohibjon Nabiev, marketing bo'limi xodimi Rasuljon Akramov, “Navbahor” PFK matbuot va media xizmati xodimlari, shuningdek, bir guruh jamoa muxlislari faxriylarni ziyorat qilishdi.
Klub xodimlari jumladan, Namangan shahridagi “Markaziy” o'yingohda 1983-2012 yillar davomida turli lavozimlarda, shu jumladan, bosh muhandis, direktor bo'lib faoliyat yuritgan Rustam Hamidovich Burnashev, ”Navbahor” jamoasida 1974-1979 yillarda futbolchi, 1980 – 2008 yillarda murabbiy sifatida faoliyat yuritgan Pavel Konstantinovich Kim, shuningdek, 1941-1945 yillarda 2-jahon urushida ishtirok etib, Leningrad qamali azobini boshidan kechirgan Lyubov Mixaylovna Kapitonovaning xonadonlariga tashrif buyurib, bu faxriylarni Xotira va qadrlash kuni bayrami munosabati bilan tabriklab, ularga “Navbahor” PFKning maxsus sovg'alarini topshirishdi.
Faxriylar ularga ko'rsatilgan izzat – ikrom uchun “Navbahor” PFK rahbariyati va xodimlariga o'z minnatdorchiliklarini bildirib, ularning haqlariga duo qilishdi hamda jamoaga doimo omad yor bo'lishini tilashdi.
Bosh sahifaga
124