"Orol" - "Dinamo". PREVYU

Ushbu mavsumda quyi ligada 6 tdan uchrashuv o'tkazgan har ikkala jamoa ham g'alaba qozonishmadi va haqli ravishda turnir jadvalining oxirgi 2 o'rinini band etib turishibdi. Samarqandliklar 3, nukusliklar 2 o'yinda raqib bilan murosa ko'chasini tanlashgan.

"Orol" Nukusda kechgan 3 ta o'yinda ham imkoniyatni boy berib o'z muxlislarini ranjitib kelmoqda. "Dinamo" esa mehmondagi 3 o'yinda 1 ochko to'plagan.

Umuman olganda Nukus jamoasi quyi ligadagi oxirgi 10 ta o'yindan buyon g'alaba qozona olmayapti. Samarqandliklar esa Oliy ligani ham qo'shganda 8 ta o'yinlik g'alabasiz seriyaga egalar.

"Orol" jamoasi ushbu mavsumda 7 ta, "Dinamo" esa 3 ta gol urdi. Etiborli jihati nukusliklar hujumchisi Navro'z Xaipovning o'zi 5 ta gol urgan.

Jamoalar bundan oldin 2016 yilgi mavsumda o'zaro to'qnash kelishgan edi. O'shanda "Dinamo" Nukusda 3:2, Samarqandda 6:1 hisobida zafar quchgan.
 Ertaga bo'ladigan to'qnashuv har ikkala jamoa uchun ham juda muhim.

“Orol” (Nukus) - “Dinamo” (Samarqand)
Hakamlar: F.Norsafarov (Qarshi), SH.Rahmatov (Buxoro), A.G'iyosov (Buxoro)
Nazoratchi: I.SHaripov (Buxoro)
Komissar: U.Umarov
Boshlanish vaqti: 17:00

Furqat Yusupov