"Lokomotiv-BFK" yosh futbolchilardan tashkil topgan jamoa. Bizda esa tajribali futbolchilar ko'p. SHu boisdan raqibga ko'proq gol kiritdik. Ammo oldinda o'yinlar hali etarlicha. Sobiq jamoam tez orada g'alabaga erishadi.
Murod Rajabov Pro-Liga saviyasidan yuqori futbolchi. U, Farruh SHotursunov, Ruslan Vagapov jamoani oldinga tortmoqda. Ular orqali o'yin tashkil qilinmoqda. O'zim ham futbol o'ynaganman va shu boisdan ayta olamanki, yuqori saviyali futbolchida mana shunday davr bo'lishi kerak. Murod bir necha yil horijda to'p surdi va u mahoratli futbolchi bo'lib etishdi. Balki u birinchi davradan keyin Superligaga ketishi mumkindir...
Yashirmayman, mavsum boshida jamoaga Moldaviyadan legioner olib kelishni niyat qilgandim. 1990 yilda tug'ilgan futbolchi o'zbek futbolida bemalol o'ynay olardi. Ammo o'sha vaqtlarda "Nurafshon"ning tashkil etilishi ham aniq bo'lmagandi. Bu masala hal etilganda esa moldovalikni boshqa jamoa ro'yxatdan o'tkazib bo'lgan ekan. Biz qarorni etkazishda biroz kechikdik. Agarda u jamoaga kelganida, yigitlardagi o'sish yanada kuchliroq bo'lardi.
O'tgan asrning oxirlarida "Do'stlik" jamoasi yo'q bo'lib ketganidan buyon futbol bahslariga bunchalik muxlis tushmagandi. Bugun stadionga tashrif buyurib, bizni qo'llab-quvvatlaganlarga katta rahmat aytaman. Ularning qo'llab-quvvatlashi tufayli bugun g'alabaga erishdik", - dedi Xolboev.
Mirjalol Normatov suhbatlashdi
Bosh sahifaga
182