Bugun futbol. "Nasaf" - "Paxtakor"

SHubhasiz, turning markaziy bahsi bugun Qarshida bo'lib o'tadi. O'tgan yil "Nasaf" o'z maydonida "Paxtakor"ni 4:0 hisobida mag'lub etgandi. O'ziyam juda chiroyli o'yin bo'lgandi. Muxlislar bu o'yinni haligacha unutgani yo'q. Bugun "Paxtakor" o'sha mag'lubiyat alamini olishga harakat qilib ko'radi.

Turnir jadvalida "Paxtakor" 20 ochko bilan peshqadamlik qilmoqda. "Nasaf" hisobida esa 14 ochko bor va "ajdarlar" kutilmaganda jadvalning 8-pog'onasidan joy egallab turishibdi. Ammo bugungi bahs mohiyatining jamoalar egallab turgan o'rniga tasiri bo'lmasa kerak.

"Nasaf" mavsumni yaxshi boshladi, shunday bo'ldiki jamoa qatorasiga 8ta o'yinda mag'lub bo'lmadi. Mana shu sakkizta bahsda uch g'alaba va besh durang qayd etildi. Ammo oxirgi ikki o'yinda "Nasaf" ketma-ket yutqazib qo'ydi. Avvaliga o'z maydonida "So'g'diyona"ga, undan keyin Toshkentda "Bunyodkor"ga.

"Nasaf"ning ayniqsa "So'g'diyona"ga yutqazib qo'yishi juda g'alati bo'ldi. To'g'ri, Jizzaxda murabbiy almashdi, yigitlarda boshqacha kayfiyat paydo bo'ldi, ammo "Nasaf" o'z maydonida "Al Sadd"dek klubni mag'lub eta olgandi, qanday qilib "So'g'diyona"dan mag'lubiyatga uchradi hayronmiz.

"Paxtakor" oxirgi turlarga kelib o'z o'yinini topib olgandek edi, biroq oxirgi ikki bellashuvda durang qayd etdi. "SHerlar" safarda "Lokomotiv" va uyda "Qo'qon-1912" bilan durangga erishishdi. SHunga qaramay, "Paxtakor" Suprerliga jamoalari orasida eng kam mag'lub bo'lgan uchta jamoadan biri bo'lib turibdi. Hozirgacha "Paxtakor"dan tashqari "Nasaf" va "Qo'qon-1912" ikki martadan imkoniyatni boy bergan.

Bilasizmi? "Nasaf" oxirgi to'rt o'yindan beri g'alaba qozona olmayapti: ikki durang va ikki mag'lubiyat.

Fakt: "Paxtakor" hozircha safarda to'rtta o'yin o'tkazib, shundan faqat bittasida g'alaba qozongan. Jamoa 7-turda "Metallurg"ni 5:0 hisobida mag'lub etib qaytgan.