- O'yin murabbiylar va men uchun juda og'ir o'tdi. Dastlabki 15 daqiqada biz bosim ostida qoldik va to'pni nazorat qila olmadik. O'sha pallalarda futbolchilar o'zlarini yo'qotib qo'yishmaganiga xursandman. Keyinchalik urilgan ikki gol esa bizga kerakli ustunlikni taqdim etdi. Ikkinchi taymda esa tezkor gol o'tkazib yubordik. Biroq biz bo'shashdik deb o'ylamayman. Sababi gol qandaydir tasodif bilan kirib ketdi. Futbolchilarni almashtirish orqali bahsning borishini ham o'zgartirdik. SHu orqali biz natijaga erishdik.
OCHLning 6 uchrashuvi futbolchilarga katta yuklama berdi va shu boisdan chempionatda ham yaxshi o'yin ko'rsata olmadik. Superliga haqida to'xtalsam, qiziqarli o'yinlar juda ko'p. Albatta bu menga yoqmoqda.
Karimov "Navbahor"ga? Bizga bunday malumot etib kelmadi. SHerzod - "Lokomotiv" futbolchisi. Agarda kimdir uni o'z safida ko'rishni istasa, jamoamiz rahbariyatiga murojaat qilishi kerak.
Jamoa menga qadar ham yaxshi o'yin namoyish etgandi. Biroq gollar kirita olmadi. O'yin bobida shuni aytaman men kelganimdan keyin hech nima o'zgarmadi. Hozirda hujumda yaxshiroq o'ynab, ko'proq gollar urib turibmiz.
Biz kuchli oltilik haqida o'ylamayapmiz. 22-turgacha ancha vaqt bor va vaziyatlar ham o'zgarib ketishi mumkin. SHu boisdan kuchli oltilik haqida o'ylashga hali erta", - dedi Fyodorov.
I.Aliboev: "O'yinning boshlanish qismi qiyin o'tdi. 15 daqiqalikdan keyin o'z o'yinimizni topib oldik. Keyinchalik chiroyli g'alabaga erishdik"
Bosh sahifaga
1966