Quyida gollar haqida so'z yuritiladi.
8-turning 4ta o'yinida jami 12ta gol qayd etildi. Har bir uchrashuvga o'rtacha 3tadan gol demakdir.
Mezbon jamoalar 8ta to'p kiritgan bo'lsa, qolgan 4ta gol mehmonlar hisobiga yozildi.
Uchrashuvlarning birinchi bo'limida 5ta gol kuzatildi. Ikkinchi bo'limda esa sermahsullik nisbatan ortdi va yana 7ta gol kiritildi.
Ushbu turda eng ko'p gol urgan jamoa - “Andijon” bo'ldi. “Burgutlar” o'z maydonida “Norin”ga qarshi kechgan bahsda raqib darvozasiga 4ta to'p kiritishga muvaffaq bo'ldi.
Etiborlisi ushbu gollarning 3tasini zaxiradan maydonga tushgan futbolchilar kiritgan.
8-turda o'z darvozasi dahlsizligini saqlab qolgan yagona jamoa – “Surxon” bo'ldi.
Turning eng tezkor goli – 5-daqiqada sodir bo'ldi. “Mashal”ning iqtidorli hujumchisi Humoyun Murtazoev safarda “SHo'rtan” darvozasiga tezkor to'p kiritib, uchrashuvda birinchi bo'lib hisobni ochishga erishdi. Etiborlisi uning jamoasi Qashqadaryo derbisida g'alaba qozonib, turnir jadvalida 1-o'ringa mustahkam o'rnashib oldi.
Aksincha turning eng so'nggi daqiqada kiritilgan goli – Davron Isoqov nomiga yozildi. “Andijon”ning to'purar hujumchisi “Norin”ga qarshi kechgan o'yinning 90+1-daqiqasida jamoasining to'rtinchi golini kiritib hisobni yiriklashtirdi.
Ahamiyatlisi ushbu turda penalti sodir bo'lmadi. SHuningdek ikkita va undan ko'p gol urgan futbolchilar ham kuzatilmadi.
8-turda kimlar gol urdi?
1. Rasul Musaev – “Orol”.
2. Navro'z Alimov – “Orol”.
3. Zohir Qo'ziboev – “Dinamo”.
4. Jasur Xolto'raev – “SHo'rtan”.
5. Humoyun Murtazoev – “Mashal”.
6. Akrom Bahritdinov – “Mashal”.
7. Timur Usmonov – “Surxon”.
8. Nodir Mavlonov – “Andijon”.
9. Sunnatulla Abdullajonov – “Andijon”.
10. Hoshim SHokirov – “Andijon”.
11. Davron Isoqov – “Andijon”.
12. Sanjar Baratov – “Norin”.
Bosh sahifaga
205
