Ushbu tadbirda jamoa bosh murabbiyi Davron Fayziev so'zga chiqib, muxlislar bilan uchrashuvni tashkil etishdan maqsad futbolchilar va muxlislar o'rtasida mustahkam ko'prik yaratish, mavjud qiyin holatdan chiqib ketishda muxlislarning o'rni haqida gapirdi.
O'z o'rnida ochiq muloqot shaklidagi savol-javobda muxlislar ham klub rahbariyati, murabbiylar va futbolchilarga o'zlarini qiziqtirayotgan savollar bilan birga, muammolar va jamoaning qoniqarsiz o'yini va salbiy natijasi borasidagi etirozlarini kuyunib gapirishdi.
Bunga javoban klub rahbariyati, murabbiylar va futbolchilar xatolar tahlil qilinganligi va hozirgi og'ir vaziyatdan chiqib ketish uchun bor kuch va imkoniyatlarini sarflashga vada berishdi. SHuningdek, yozgi davralar oralig'ida jamoa tarkibida o'zgarishlar qilinib, tarkib kuchaytirilishini malum qilishdi.
Tadbir yakunida muxlislar hozirgi og'ir vaziyatdan chiqib ketishda bosh murabbiy Davron Fayziev va jamoa sardori Ilhom Yunusovga ishonch bildirib, ishqibozlar jamoani oxirigacha qo'llab-quvvatlashlarini, bunga javob tariqasida klub ham ijobiy natija tomon intilishiga umid bildirishdi.
Bosh sahifaga
320