“Nasaf”: Yarulin o'z arizasiga ko'ra ishdan ketdi

Bugun "Nasaf" klubida bosh homiy – “SHo'rtan gaz kimyo majmuasi” rahbariyati ishtirokida yig'ilish bo'lib o'tdi. Unda bitta masala “Nasaf” PFK bosh menedjeri haqidagi masala ko'rib chiqildi.

2012 yildan klubda bosh menedjer lavozimida faoliyat yuritgan SHamil Samigulovich Yarulin o'z arizasiga muvofiq, sog'ligi yomonlashgani tufayli lavozimidan ozod qilindi.

Bosh homiy - “SHo'rtan gaz kimyo majmuasi” rahbariyati tomonidan klubga bosh menedjer etib, shu paytgacha “Nasaf” futbol maktabini boshqarib kelgan Sergey Petrovich Kucherenko tayinlandi.

SH.S.Yarulin 2012 yildan "Nasaf"da bosh menedjer vazifasida ishladi. SHu vaqt mobaynida klub infratuzilmasi ancha rivojlandi. “Nasaf” jamoasi ham qator yutuqlarni ham qo'lga kiritdi. Albatta, SH.S.Yarulinning barcha qilgan mehnatlarini qadrlaymiz. U kishiga klub rahbariyati, murabbiylari, futbolchilari va barcha xodimlari nomidan kattadan-katta tashakkurlar bildiramiz, - deb yozilgan "Nasaf" klubi rasmiy saytida.