Biz mazkur o'yindan so'ng Azamatning faoliyatiga oid ayrim faktlarni etiboringizga havola etishni lozim deb topdik.
1. Azamat faoliyatida ilk bor Super liga (Oliy liga)da "xet-trik"ka erishdi.
2. U Super ligada 108 uchrashuvda maydonga tushib, 30 ta golga mualliflik qildi.
3. Allaniyazov Oliy ligadagi ilk golini aynan "Metallurg" darvozasiga kiritgan edi.
4. "Metallurg" Azamatning sevimli jamoalaridan biriga aylandi. U Bekobodliklar darvozasiga jami 4 ta gol urgan. Hujumchi "SHo'rtan"ga 5 ta va "Neftchi"ga 4 ta gol urgan.
5. Qoraqalpoq futboli tarbiyalanuvchisi Super ligada jami 16 ta jamoa darvozasiga yo'l topa olgan.
6. Allaniyazov faoliyatidagi eng tezkor golni ham aynan "Metallurg" darvozaisga yo'llagan. 2013 yilgi mavsumda u ilk daqiqadayoq raqib darvozasini aniq nishonga olgan edi.
7. Azamat "Metallurg"ga qarshi o'yinda zaxiradan maydonga tushib 3 ta gol urdi. SHu tariqa uning zaxiradan o'yinga tushib kiritgan gollari soni 9 taga etdi.
8. Hujumchining zaxiradan tushib urgan tezkor goli 2013 yili qayd etilgan. O'shanda u "Nasaf" safida "Qizilqum"ga qarshi o'yinda 81 daqiqada tushib to'rt daqiqadan so'ng gol urgan edi. "Metallurg" bilan bahsda esa u 46 daqiqada tushib, olti daqiqadan keyin o'z nomini tabloga yozdirib qo'ydi.
8. Allaniyazov Superligada jami 56 ta o'yinda zaxiradan o'yinga tushib, shularning 7 tasida gol kiritgan.
9. Azamatning Superliga va kubok o'yinlaridagi umumiy gollari soni 36 taga etdi.
10. Futbolchi "Navbahor" stadionida ikkinchi marta gol kriitishga muvaffaq bo'ldi. Bundan oldin u 2016 yili "Nasaf" tarkibida Namanganda gol muallifiga aylangan edi.
Furqat Yusupov
Bosh sahifaga
241