- «Mordoviya Arena»stadionida JCH-2018 guruh bosqichining 4ta o'yini bo'lib o'tadi
- Stadion Saransk shahrining Insar ko'li bo'yida qad rostlagan
- JCH-2018dan so'ng, stadion «Mordoviya» klubining uy arenasi bo'lib xizmat qiladi
O'yinlar
«Mordoviya Arena» stadionida JCH-2018 guruh bosqichining 4ta o'yini bo'lib o'tadi. Ushbu arena dastlab Peru va Daniya terma jamoalarini qabul qiladi. Bu o'yin 16 iyun sanasida o'tishi belgilab qo'yilgan.
Imkoniyatlari
CHempionat vaqtida «Mordoviya Arena»ga 44 000 tomoshabin tashrif buyurishi mumkin bo'ladi. Saransk shahri imkoniyatlaridan kelib chiqsak, bu ajoyib ko'rsatkich.
Joylashgan o'rni
Yangi stadion shaharning Insar ko'li bo'yida barpo etilgan. SHuningdek, mehmonxona, muxlislar festivali maydoni va boshqa ko'ngilochar dam olish maskanlari arenaga yaqin bo'lgan joylarda qurilgan.
Bilasizmi?
«Mordoviya Arena» qurilishida olovrang, qizil va oq ranglar uyg'unligidan foydalanilgan. Ular barchaga «Mordoviya» futbol klubining logotipini eslatib turadi.
Dastlabki o'yinlar
Yaqindagina qurilish ishlari yakunlangan «Mordoviya Arena»da dastlabki o'yinlar aprel-may oylarida bo'lib o'tdi. 21 aprel kuni «Mordoviya» klubi «Zenit-Ijevsk»ni, 4 may sanasida «Kamaz»ni klubi qabul qildi. 16 mayda esa “Mordoviya” klubi ilk g'alabaga erishdi va milliy futbol ligasiga chiqish yo'llanmasini qo'lga kiritdi.
Meros
Jahon CHempionati-2018 dan so'ng, ushbu stadion “Mordoviya” klubining uy arenasi bo'lib qoladi. Respublika va shahar hukumati keyinchalik stadionni Saransk va Mordoviyaning yirik sport va ko'ngilochar maskaniga aylantirmoqchi. SHuningdek, «Mordoviya Arena» mahalliy tadbirlar o'tkaziladigan joy bo'lishi rejalashtirilmoqda.
fifa.com saytidan Nozima Zaripova tarjimasi
Bosh sahifaga
170
