Ammo, "Manchester Yunayted"da kuchli futbolchilar o'zini ko'rsata olmagan, biroq ular keyingi jamoasida etakchiga aylanishgan.
4. MEMFIS DEPAY
O'z vaqtida Gollandiya chempionatida to'purar futbolchi bo'lgan Depay "Manchester Yunayted"ga moslasha olmadi.
U 2015 yilning yozida mankunianliklar bilan shartnoma imzoladi va unga 7-raqam berildi. Depay "Yunayted" tarkibida bir yarim mavsum davomida 53 uchrashuvda maydonga tushdi va faqatgina 7 gol kiritdi. 2017 yilning yanvar oyida u "Lion"ga o'tdi.
"Lion" tarkibida u erkin harakat qila boshladi. SHundagina biz 2015 yilda “France Football” nashri tomonidan eng yaxshi yosh futbolchiga o'xshadi.
2017/18 yilgi mavsumda Depay barcha turnirlarda 20 gol kiritishni uddaladi. U jamoasining "Liga 1"da 3-o'rinni qo'lga kiritishida muhim hissasini qo'shdi. Endi Depay "Lion" bilan birgalikda ECHLda qatnashadi.
3. DIEGO FORLAN
Urugvaylik futbolchining MYUga transferini ayrimlar uchun salbiy jihatdan klassik darajada izohlab berish mumkin. U 2002 yilda "Yunayted" bilan shartnoma imzolagan. Unga qadar "Independente" tarkibida 80 uchrashuvda 37 gol kiritgandi.
Forlan ikki mavsum davomida MYU tarkibida harakat qildi va ligada 63 uchrashuvda maydonga tushib, 10tagina gol kiritdi.
2004 yilning avgustida u Ispaniyaning "Vilyarreal" jamoasi bilan shartnoma imzoladi. Ilk mavsumidayoq 25 gol kiritib, Evropaning "Oltin butsa"siga sazovor bo'ldi. SHuningdek, jamoasining ECHL yo'llanmasini qo'lga kiritishida o'z hissasini qo'sha oldi.
Forlan "Atletiko" tarkibida 106 uchrashuvda qatnashdi va 54 gol kiritishga erishdi.
2. POL POGBA
18 yoshli yigitcha Pogba 2009 yilda "Yunayted" bilan shartnoma imzolagandi. 2011 yilda zaxira jamoasi bilan ajoyib o'yinlari o'tkazganidan keyin Ser Aleks uni asosiy jamoaga taklif etdi.
2011/12 yilgi mavsumda u "Yuventus"ga shundoqqina berib yuborildi.
Albatta, "Yunayted"ning chempion jamoasida bolakayning o'ynab ketishi qiyin edi. Biroq u "Yuve" tarkibida o'zidan yorqin taassurotlarni qoldira oldi.
2013 yilda u “Golden Boy” sovrinini qo'lga kiritdi, biroq shunda ham "Yunayted"ning etiborini tortmadi. Jamoasining qo'lga kiritayotgan g'alabalarida o'z rolini o'ynadi. 2015 yili u o'zining eng yaxshi mavsumini o'tkazdi va 8 gol urib, 12 golga assistentlik qildi. Manchesterdan ketib, Pogba o'z o'yinlarini topib oldi va yana jonajon jamoasiga, o'z vaqtida rekord summa evaziga qaytdi.
1. XERAR PIKE
Pike - "Barselona" akademiyasi, "La Masiya"ning tarbiyalanuvchisi. U 2004 yilda "Manchester Yunayted"ga kelib qo'shilgan. Xerar 3 mavsum davomida "Yunayted" tarkibida 12 uchrashuvda qatnashdi. SHu boisdan u "Real Sosedad"ga ijaraga berildi.
2008 yilning may oyida u "Barselona" bilan shartnoma imzoladi. O'shandan buyon u Kataloniya klubi tarkibida har mavsumda 25dan kam bo'lmagan uchrashuvda qatnashmoqda.
Markaziy himoyachi "Barselona" uchun 39 gol kiritishga erishgan. U dunyoning eng yaxshi himoyachilaridan biri sifatida etirof etilmoqda.
Albatta, u "Barsa"ga borganidan keyingina shunday darajaga erishdi. "Yunayted"da esa rivojlanishdan to'xtab qolgandi.
Mirjalol Normatov tarjimasi
Bosh sahifaga
188