A seriyani tark etgan "Verona" Turindagi bayramga xalaqit bermadi, mezbonlar 2:1 hisobida g'alaba qozondi. "Yuventus" tarkibida ushbu o'yin Buffon uchun 657 uchrashuv bo'ldi. Klub ushbu o'yin uchun engida UN1CO xeshtegi tushirilgan maxsus libos tayyorladi. UN1CO Italiancha so'z bo'lib yagona, noyob degani.
Jiji mashg'ulot vaqtida tribuna tomon bordi.
Darvozabon o'g'illari Luis Tomas, Devid Li va Leopold bilan maydonga chiqib keldi.
Uchrashuvga hushtak chalinishidan bir necha sekund avval Buffon o'ziga yaqin bo'lgan tribunaga kelib tazim qildi
Uchrashuvning boshlanganidan bir soat o'tib Massimiliano Allegri Jiji uchun shohona hayrlashuv uyushtirib berdi. Buffon 2:0 hisobi bo'lib turgan paytda zaxiraga olindi. Buffon "Yuventus" tarkibida 302 daqiqa quruq o'yin o'tkazib klub bilan xayrlashdi.
Darvozabon "Yuve" va "Verona" futbolchilarining barchasi bilan quchoqlashib xayrlashdi. Klub xodimlari Buffon uchun hayrlashuv yo'lakchasi tashkil etib berdi.
Buffon maydonni jamoa sardori sifatida tark etdi: Buffon ikkinchi sardorlik bog'ichi getrasining ichidan olib Klaudio Markizioga taqdim etdi.
Devid Li tribunada turib baqirib yig'ladi.
Stadionga tashrif buyurgan ko'plab "Yuventus" muxlislari ko'z yoshini tiyib tura olmadi.
Vip-sektorda o'tirgan mehmonlar ko'z yoshlarini ko'zoynaklari bilan berkitishdi. Jiji ular bilan tez-tez ko'rishib turardi. Muxlislar ko'z yoshini ko'rgan Buffon ham o'zining ko'z yoshlarini tiya olmadi.
Qolgan yarim soat ichida ko'pchilik bor etiborini maydonga qaratdi: Bu safar Buffon tribuna bo'ylad yurib bordi. Unga yaqin bo'lgan muxlislarni Buffon quchoqlab oldi.
Keyin esa ketma-ket ettinchi bor qo'lga kiritilgan navbatdagi skudettoni nishonladi.
40 yoshli darvozabon faoliyatini yakunlaydiganga o'xshamaydi. Hozirgi kunda Buffonga ko'plab top klublar qiziqish bildirishmoqda. PSJ darvozabonga maxsus taklif qilgani bilan ajralib turibdi. Parijliklar Buffonga ikki yillik shartnoma, asosiy tarkibda maydonga tushish va sardorlik bog'ichini kafolat qilmoqda. Buffon faoliyatini davom ettiradimi yoki yo'q, shu kunlardaa bilib olamiz.
Sports.ru saytidan Jahongir Sotvoldiev tarjimasi
Bosh sahifaga
898