SHu maqsadda O'FA mutaxassislari tomonidan yurtimizning turli viloyatlarida OFK va O'FAning murabbiylik licenziyalariga ega mutaxassislarning kasbiy malakasini aniqlash bo'yicha seminarlar tashkil qilinmoqda.
Ana shunday seminarlardan biri Andijon viloyatida bo'lib o'tayotgani haqida avval xabar berib o'tgandik.
Samarqanddagi Olimpiya zaxiralari kollejida ham murabbiylarning kasbiy malakasini aniqlash bo'yicha seminar va amaliy mashg'ulotlar bo'lib o'tmoqda. 18 may kuni boshlangan seminarda jami 60 nafar murabbiy ishtirok etyapti. Seminarni O'FA mutaxassisi Jalimov Ongarbay o'tkazmoqda.
Amaldiy imtihonlar davomida murabbiylarning mashg'ulotlar olib borishga qanday tayyorgarlik ko'rganliklari, maydonni mashg'ulotga tayyorlash, mashg'ulot davomida bolalarga ko'rsatmalar berib borish usuli, murabbiyning mashg'ulot davomida o'zini tutishi, futbolchilarning mashg'ulotdagi xatolarini ko'rsatib borish va o'sha xatoni to'g'irlash borasida amalga oshiradigan xatti-harakatlari sinovdan o'tkazilyapti.
Imtihonlar natijalari ko'ra murabbiylik faoliyati bilan shug'ullanish talabiga javob bermaydigan mutaxassislar tegishli murabbiylik sertifikatlari va licenziyalaridan mahrum qilinadi.
Bunday seminarlar butun respublikamiz bo'ylab o'tkazilishi rejalashtirilgan.
Bosh sahifaga
155