Mazkur uchrashuv oldidan “temiryo'lchilar” jamoasi etakchilaridan biri Marat Bikmaev klub rasmiy saytiga o'yinoldi fikrlari bilan o'rtoqlashdi.
– “Qizilqum”ga qarshi uchrashuv biz uchun oson o'tmasligi aniq. Zero raqib ancha tajribali futbolchilarni o'z tarkibida jamlagan. Ular qachon qanday o'ynash lozimligini bilishadi. SHu sababdan ham o'yin ancha shiddatli bo'ladi, deb o'ylayman.
O'zi aslida ushbu mavsum deyarli har bir uchrashuv ancha qiyin o'tyapti. Xatto musobaqa jadvalining so'nggi pog'onalarida borayotgan “Neftchi” hamda “So'g'diyona” jamoalariga qarshi kechgan bellashuvlarda ham ancha-muncha ter to'kishga to'g'ri keldi.
Lekin har qanday holatda ham g'alaba qozonish o'z qo'limizda. Agar maydonga chiqqach, o'zimiz istagan o'yinni namoyish eta olsak, “Lokomotiv” har qanday jamoani bemalol mag'lub eta oladi, – dedi mahoratli futbolchi klub matbuot xizmati bilan suhbatda.
Takidlash joiz, “Lokomotiv” – “Qizilqum” bahsi ertaga, 22 may kuni poytaxtimizdagi “Lokomotiv” stadionida bo'lib o'tadi. O'yin soat 18:56da start oladi. “Lokomotiv” PFK stadionga keladigan barcha ro'zadorlar uchun iftorlik eguliklari taqdim etadi. Qolaversa, tanaffus vaqtida bir qator hamkorlar tomonidan yutuqli sovrinlar lotereyasi ham tashkil etiladi.
Bosh sahifaga
215