Bu haqda Italiya matbuoti, xususan "La Gazzetta Dello Sport" nashri malum qildi.
Uchrashuvda "Yuventus" bosh menejeri Beppe Marotta, sport direktor Fabio Paratiti, vice-prezident Pavel Nedved va bosh murabbiy Massimiliano Allegri qatnashishi ko'zda tutilgan.
Bu uchrashuv chog'ida Allegrining yangi shartnomasi, jamoaning transfer siyosati va yangi mavsum rejalari kabi masalalar ko'rib chiqiladi. "Yuventus" katta ehtimol bilan Allegri bilan 2021 yilga qadar shartnomani uzaytirish niyatida. SHuningdek, jamoaning yozda transfer oynasida xarid qilinishi kerak bo'lgan futbolchilar ro'yxati muhokama qilinadi.
Allegri rahbariyatdan kelasi mavsumda jamoaning sifati tushib ketmasligi lozimligini so'ragan. Uchrashuvda jamoadan yana qaysi futbolchilar ketishi mumkinligi aniqlashtirib olinadi.
Hozirgacha "Yuventus" bilan afsonaviy darvozabon Janluiji Buffon, SHtefan Lixshtayner hamda Kvadvo Asamoa kabi futbolchilar xayrlashishdi. SHuningdek, jamoa hujumchisi Mario Manjukich borasida Xitoy va Bundesliga klublaridan takliflar kelib tushgan. Stefan Sturaro va Klaudio Markizio borasida ham "Yuventus"ga takliflar mavjud va bu masalalar ham bugungi yig'ilishda murabbiy Allegri bilan birgalikda ko'rib chiqiladi.
"Yuventus"ning himoya chizig'i vakillari Aleks Sandro va Medhi Benatiyaning ham jamoadagi kelajagi katta ehtimol bilan bugungi uchrashuvda hal bo'ladi.
Evropa chempionalar ligasi finalidan so'ng "Liverpul" yarim himoyachisi Emre Jan bilan shartnoma imzolanishi kutilmoqda. Qo'shimchasiga jamoaga yangi mavsum oldidan ijarada bo'lgan Pyaca, Kaldara hamda Spinaccola qaytishadi.
Yig'ilishda aynan shu masalalar va yana qaysi chiziqlar bo'yicha transferlar amalga oshirishi lozimligi hal etiladi.
Bosh sahifaga
1682