Bugun "Qo'qon-1912" va "Buxoro" jamoalari qaysi libosda maydonga tushishlari malum

Qo'qondagi "Markaziy" stadionda "Qo'qon-1912" – "Buxoro" o'yinidan oldingi yig'ilish bo'lib o'tdi. Bu haqda qo'qonliklar matbuot xizmati xabar berdi.

Yig'ilishda har ikki jamoa vakillari va uchrashuv komissari Sardor Qudratullaevlar ishtirok etishdi va o'yin oldi jarayonlari hamda jamoalar bugun qanday rangdagi liboslarda maydonga tushishlari borasida kelishib olishdi.

Unga ko'ra, bugungi bahsda mezbonlar "Qo'qon-1912" jamoasi oq rangli formalarda, darvozabon qizil-qora libosda maydonga tushadi. Mehmonlar "Buxoro" futbolchilari esa to'q ko'k rangli liboslarda maydonga tushadigan bo'lishdi. Darvozabon esa jigarrang formada maydonga tushadi.