Bir vaqtlar "Barsa" o'z tarkibiga Romario, Ronaldo, Ronaldino yoki Dembele, Koutino kabi futbolchilarni transfer qilishga erishdi.
Biroq "Barselona"da ham g'alati transferlar bo'lib turgan.
5. RYUSHTYU RECHBER
Turkiyalik golkiper 2000 yillarning boshlarida yulduzlik onlarini o'tkazdi. 2002 yilda esa termasining JCHda ko'rsatgan "hunarlari"da u asosiy insonlardan biri bo'lgandi. O'shanda jamoa mundialning yarim finaliga etib borishni uddalagandi.
"Fenerbaxche"da yaxshi mavsumni o'tkazganidan keyin 2003 yilda u Evropaning eng katta jamoalaridan biri "Barselona"ga o'tdi.
Albatta, bu transfer g'alati ko'rindi. Mavsum boshlanishi arafasida esa posbon jarohat oldi. Biroq u tezda o'ziga kelib olgan bo'lsa-da, Frank Raykaard uni o'yinlarga tushiravermadi. Buning sababi sifatida posbonning ispan tilini yaxshi bilmasligi deb keltirildi.
Albatta, Raykaard futbolchini transfer qilishdan oldin uning barcha jihatlarini bilishi kerak edi, biroq bunday bo'lib chiqmadi. Rechber OAVda o'yinlarga chanqoqligini va o'ziga muntazam amaliyoti kerakligini aytgan bo'lsa-da, Raykaard Valdesni maydonga tashlayverdi.
Ryushtyu "Barsa" tarkibida umumiy 7 o'yinda qatnashdi va yana sobiq jamoasiga qaytib ketdi. U "Barselona"ga keraksiz futbolchi bo'lganligi uchun ushbu ro'yxatdan o'rin oldi.
4. ALEKSANDR GLEB
2008 yilning yozida "Barselona" "Arsenal" safida yaxshi o'yin ko'rsatayotganlarni o'z safiga qo'shib olaverdi.
SHimoliy Londonda ajoyib harakat qilgan Mark Overmars, Emmanuel Peti va Terri Anri 2000 yillarning o'rtalarida "Arsenal"dan "Kamp Nou"ga ko'chib o'tdi. 2008 yilda Kataloniya grandi "Arsenal"ning belorussiyalik yarim himoyachisi Aleksandr Glebni transfer qildi.
Gleb "Arsenal"da uch mavsum davomida ko'plab uchrashuvlarda maydonga tushdi va "kanonirlar" muxlislari orasida o'z mavqesiga ega bo'ldi. Biroq u "Barselona"ga kerakmidi?
"Arsenal"da Robin van Persi, Emmanuel Adebayor, Tomas Rosicki va Sesk Fabregas kabi futbolchilar turganida "Barselona" aynan uni tanlagani g'alati hol bo'lgandi o'shanda.
Xullas, uning "Barselona"ga o'tishi omadsiz chiqdi. U 2008/09 yilgi mavsumda "Barselona" tarkibida 19 uchrashuvda maydonga tushdi va faqatgina bir gol kiritdi.
"Barselona" Glebni "SHtutgart", "Birmingem", "Volfsburg" kabi jamoalarga ijaraga berdi. SHartnomasi yakunlanganidan keyin Rossiyaning "Krilya Sovetov" jamoasi tarkibiga borib qo'shildi.
Keyinchalik "Barselona" "Arsenal"ning yana bir futbolchisi bilan shartnoma imzoladi. U Sesk Fabregas edi!
3. DIMITRIY CHIGRINSKIY
2009 yilda "Barselona" markaziy himoyachilar "ovi"ga chiqdi. Jamoa 2008/09 yilgi ECHLda "SHaxtyor"himoyachisi Dimitriy CHigrinskiyning o'yinlarini kuzatdi.
Uning "SHaxtyor" bilan UEFA superkubogida ajoyib o'yin ko'rsatgani uchun "Kamp Nou" egasi tarkibidagi ilk ukrainalik futbolchiga aylandi. U 25 mln evro evaziga transfer qilindi.
Debyut mavsumida u "Barsa" bilan evrokuboklarda o'ynay olmadi. Sababi u "SHaxtyor" bilan maydonga tushib bo'lgandi.
Dimitriy "Barselona"ning asosiy futbolchisiga aylanmadi. Sababi o'sha vaqtlarda markaziy himoyada Puyol-Pike tandemi hosil bo'lgandi.
Dimitriyni jamoaga Pep Gvardiola olib borgandi. Himoyachi "Barsa"dagi ilk mavsumida 12 uchrashuvda qatnashdi va shundan keyin yana "SHaxtyor"ga qaytib ketdi. Gvardiola uning qolishini istagan bo'lsa-da, futbolchi doimiy o'yin amaliyotini istadi.
2. ALEKS SONG
2012 yilda "Barselona" himoyaga yordam beradigan yarim himoyachilarni izlab yurganida "Atletik" tarkibidagi Xavi Martinezni mo'ljalga olgandi.
Biroq uni "Bavariya" "ilib ketganidan" keyin "Barselona" "Arsenal" futbolchisi Aleks Songga etibor qaratdi.
Kamerunlik futbolchi "Arsenal"da 7 mavsumni o'tkazgandi. 2006 yilda u jamoa tarkibiga borib qo'shilgan bo'lsa-da, 2008/09 yilgi mavsumda jamoaning asosiy tarkibiga kira boshladi. U Sesk Fabregas bilan birgalikda yarim himoyada tandem hosil qildi. SHu sababli "kanonirlar"ning hujumlari ancha ko'paydi.
2011 yilda Sesk "Barselona" safiga o'tib ketdi. O'sha mavsumda u 46 uchrashuvda maydonga tushdi va 12 golga assistentlik qildi. Biroq u "Barselona" tarkibida o'zini ko'rsata olmadi.
1. KEYRRISON
Ryushtyu, Gleb, CHigrinskiy va Song "Barselona" tarkibida o'yinlarda maydonga tushishgan. Biroq Keyrrisonga bu nasib etmagan.
SHu boisdan u "Barselona" uchun umuman keraksiz transferlardan biri bo'lgan. "Barselona"ga borguncha u "Palmeyras" tarkibida 11 gol kiritishga erishgandi.
2009 yilning yozida "Barselona" Keyrrison bilan shartnoma imzolanganini malum qildi. Biroq o'sha mavsumning o'zidayoq u "Benfika"ga ijaraga berib yuborildi. U erda 7 uchrashuvda qatnashib, 1 gol kiritdi. Qishki transferlar oynasi vaqtida esa u "Fiorentina"ga yo'l oldi. Italiyada ham uning ishlari yurishmadi - 12 o'yin, 2 gol.
2014 yilda uning "Barselona" bilan shartnomasi yakunlandi va u Braziliyaning "Koritiba" jamoasining to'laqonli azosiga aylandi.
Mirjalol Normatov tarjimasi
Bosh sahifaga
218