Bu haqda "Tutto Juve" nashri xabar tarqatdi.
Manbaning malum qilishicha, Pogba va "Manchester Yunayted" bosh murabbiyi Joze Mourinyuning o'zaro munosabati yomonlashgan. "Yuventus" esa ushbu imkoniyatdan foydalanib qolmoqchi.
Turinliklar bosh murabbiyi Allegri klub rahbariyatiga markaz uchun Pogbani qaytarish yoki "Lacio"dan Sergey Milinkovich-Savichni olib kelish talabini qo'ygandi. "Yuventus" esa Pogbani jamoaga qaytarish choralarini izlamoqda.
Ayni paytda Pogba va Mourinyuning munosabatlari ideal darajada emas. Turinliklar esa ushbu vaziyatda futbolchining agenti Mino Rayola orqali Pogbani "Yuventus"ga qaytarish rejasini amalga oshirishmoqchi.
Faqat bitta muammo mavjud. Pogba "Manchester Yunayted"da 9 million evro maosh oladi. Milinkovich-Savichning "Lacio"dagi maoshi esa bor-yo'g'i 1,5 million evroni tashkil qiladi. Lekin "Lacio" o'z futbolchisini arzon garovga qo'yib yubormoqchi emas.
"Yuventus" rahbariyati Pogba va Milinkovich-Savich tanlovidan qay biriga to'xtalishini esa vaqt ko'rsatadi.
Bosh sahifaga
310