Oxirgi yillarda faoliyatini Qatarda davom ettirayotgan hujumchimiz Temurxo'ja Abduxoliqovni "As Sayliya" bilan amaldagi bitimi 30 iyun kuni tamom bo'ladi. Tomonlar agarda yangi kelishuvga erishishsa, unda Abduxoliqov faoliyatini Qatarda davom ettirishi mumkin. Aks holda O'zbekiston terma jamoasi hujumchisi faoliyatini Janubiy Koreya yoki arab davlatlaridan birida davom ettirish ehtimoli yo'q emas. SHuningdek, Abduxoliqovga Superliga klublaridan ham jiddiy qiziqish va takliflar mavjud.
Bu borada biz Temurxo'ja Abduxoliqov bilan bog'langanimizda, futbolchi ushbu xabarni tasdiqladi. Abduxoliqovning takidlashicha, ko'p narsa Ramazon oyidan keyin malum bo'ladi. Ayni paytda Qatarda chempionat tugagan va jamoalar tanaffusga yo'l olishgan. Abduxoliqov unga bir qator variantlar mavjudligi, xususan Janubiy Koreya va arab jamoalaridan jiddiy chaqiruvlar bo'layotganini tasdiqladi. SHuningdek, Superligadan ham chorlov bo'layotganini inkor etmadi.
Eslatib o'tamiz, qishda Temurxo'ja Abduxoliqovga "Paxtakor"dan taklif bo'lgan, ammo hujumchining "As Sayliya" bilan o'rtadagi bitimi borligi sababli ushbu transfer amalga oshmay qolgandi.
Bosh sahifaga
268