Bir necha kun avval O'zbekiston terma jamoasining Urugvayga qarshi o'rtoqlik o'yiniga jalb etilgan futbolchilar ro'yxati elon qilingandi. Unga ko'ra, Temur Kapadze terma jamoaga uch nafar darvozabonlar: Ignatiy Nesterov, Eldorbek Suyunov va Botirali Ergashevni tarkibga kiritgandi.
O'zbekiston MTJning Urugvayga boradigan tarkibi
Bizga malum bo'lishicha, Ignatiy Nesterov terma jamoaning Urugvayga boradigan ro'yxatidan tushib qolgan. Bunga sabab, darvozabon "Metallurg"ga qarshi bahsda kichik jarohat olgani aytilmoqda. Uning o'rniga esa "Nasaf"ning yosh darvozaboni Umid Ergashev jalb etilgan.
Eslatib o'tamiz, Ignatiy Nesterov joriy mavsumda "Lokomotiv" safida Superligada 12 uchrashuvda maydonga tushib, o'z darvozasidan 13ta gol qo'yib yuborgan. OCHLda esa Nesterov 6 uchrashuvda 9 bor gol o'tkazib yubordi. "Lokomotiv" posboni joriy mavsumda jami 18 uchrashuvda ishtirok etdi va 22ta gol qo'yvordi. Nesterov bu yili jami 18 o'yinda o'z darvozasini 4 marta "quruq" saqladi.
Bosh sahifaga
80