- "So'g'diyona" tarkibni keskin kuchaytirayotgani haqiqat. Biz nafaqat O'zbekistondagi futbolchilar, balki xorijdan kuchli legionerlar olib kelish bo'yicha muzokara o'tkazyapmiz. Biz imkoniyatimiz boricha kuchayamiz. Bizga kuchli va yuqori saviyadagi futbolchilar zarur. Jamoa raqobatga chanqoq. CHunki rahbariyat qo'yayotgan vazifalarni bajarish uchun tarkibni kuchaytirmoq lozim. Rahbariyat esa "So'g'diyona"ni kuchli-oltitalikka kirishi lozim deb hisoblamoqda. SHu boisdan ham tarkibni keskin kuchaytirmoqchimiz.
Slavko Lukich bilan gaplashdim, ha uni men "So'g'diyona"da ko'rishni xohlayman. Jasur Hasanov? Nafaqat u, balki boshqa bir qator futbolchilar bilan muzokara o'tkazyapmiz. Men istayotgan futbolchilarni "So'g'diyona"da ko'rsam xursand bo'laman. Lekin bu ularga qo'shimcha imtiyozlar bermaydi. Kim kelishidan qati nazar, ular kuchliligini isbotlasagina asosiy tarkibda o'ynashadi. Aksincha bo'lsa, boshlang'ich tarkibda boshqalar o'ynaydi. Har qanday holatda ham biz kuchayishni istaymiz. Umid qilamanki, bu transferlar bizga kuchli-oltilikka kirishga yordam beradi.
Ikkinchi davra yakunlanishiga oz fursat qoldi? Men bu qisqa fursatda tarkibni kuchaytirgan holda kuchli-oltilikka jamoani olib kira olamanmi? Bilmadim, folbin emasman. Biz shunchaki o'z ishimizni qilamiz, qolganini vaqt ko'rsatadi. Agarda qolgan barcha o'yinlarni yutadigan bo'lsak, unda nafaqat oltitalik, balki 1-o'rinda bo'lamiz. Aytadiku, jo'jani kuzda sanaymiz.
Ishoning, hozirgi chempionatdagi tizim hali bizga juda ko'p syurprizlarni taqdim etadi. Hali chempionlik masalasi ham ochiq turibdi. Reglamentdagi "oltin ochkolar" qoidasi hali ko'p joyni ag'dar-tuntar qiladi. Juda katta syurprizlar bo'lishini taxmin qilyapman. Bu "oltin ochkolar" qoidasi qanchalik to'g'ri yoki yo'q bilmadim, ammo bu reglament bizga yangi sovg'alarni taqdim etadi. Nima har qilardik, reglamentga bo'ysungan holatda ishtirok etaveramiz. Bizga nima farqi bor?
Bosh sahifaga
215