Yilning eng sharmandali matbuot-anjumani qanday o'tdi

Kecha Manchester shahrida Lui Van Gal ishtirokida matbuot-anjumani bo'lib o'tdi. MYU umrabbiyi jarohatlarganlar borasida qisqa izoh berdi. Hammasi shundan so'ng boshlandi.

"Men uchun juda qiziq, bu xonada mendan uzr so'rashi kerak bo'lgan odam bormi? Meni haydab yuborganlari haqida o'qidim yoki hamkasbim (Joze Mourino) mening o'rnimdami? Nima deb o'ylaysiz, bu borada ayolim va farzandlarim qanday fikrda? Yoki nevaralarim? Yoki "Manchester Yunayted" muxlislari? Yoki do'stlarim. Ular menga to'xtovsiz qo'ng'iroq qilishmoqda. Arsen Venger ham bir nimalar deyishga ulgurdi.

Hozir men jurnalistlar bilan suhbatlashishim kerak deb o'ylaysizmi? Premer-liga qoidalari shunday bo'lganligi uchun shu erda o'tiribman. Sizlar bilan suhbatlashishim kerak. Ammo sizlar mening so'zlarimni o'zingizga mos tarzda to'g'irlab olasiz.

Men futbolchilarga o'ziga ishonishni boshlashiga yordam bermoqchi bo'ldim. Ushbu haftada qo'limdan kelgan barcha ishni bajardim. Murabbiy va futbolchilar bilan vaziyatga baho berdik. Yangi yil tushligida so'zga chiqdim va Karringtonda (MYUning mashg'ulot bazasi) barcha meni qo'llab-quvvatladi.

Jurnalistlarda iliqlik ko'rmayapman. Endi nima deb yozishingizni tasavvur qilyapman. Biz og'ir vaziyatdamiz, ammo to'rt hafta oldin birinchi o'rinda edik va yana to'rt hafta o'tib etakchi bo'lib olishimiz mumkin. Sizlar faktlarga tayanishingiz kerak. Jurnalistlar faktlarga asoslanmay men haqimda yaxshi bo'lmagan narsalar yozadi, keyin esa menga Ed Vudvord, ser Aleks Fergyuson va Devid Gill qo'ng'iroq qiladi. Endi esa sizlarning savollaringizga javob berishim kerak. Bu ish bilan shug'ullanishni istamayman.

Etiborimni "Stok"ga qarshi o'yinga qaratganman. Yangi yilni yaxshi o'tkazing.

Vino va shirinliklardan rohatlaning" - deydi van Gal.

SHundan so'ng Lui van Gal savollarga javob berishdan bosh tortib, zalni tark etdi. Matbuot-anjumani besh daqiqadan kamroq davom etdi.