Davron Fayziev: "SHou sifatida boshlangan o'yin haqiqiy jangga aylanib ketdi"

"Tadbir juda chiroyli o'tdi. Terma jamoa darajasidagi futbolchilar jonkuyarlik bilan harakat qilishdi. O'yin shou sifatida boshlangandi, oxiriga kelib esa haqiqiy jang kechdi. Afsuski men murabbiylik qilgan jamoa so'nggi daqiqalarda gol o'tkazib yuborib alamli tarzda mag'lub bo'ldi", - deydi Davron Fayziev.

- Bugun kimning o'yini siz uchun kutilmagan hol bo'ldi?
- "Lokomotiv" bosh direktori o'rinbosari To'labek Akromov juda yaxshi harakat qildi. Xatto gol ham urishga erishdi. Juda yaxshi formada ekanligini ko'rsatdi. Bundan tashqari bizning jamoada o'ynagan muxlislardan biri Umidjon ham harakat qildi. Yulduzlar bilan birga o'ynash ham hayajonli, ham sharafli. Afsuski o'zim bu xayriya o'yinida jarohatim tufayli maydonga tusha olmadim, keyingi safar albatta o'zimni ko'rsatishga harakat qilaman. Qisqa qilib aytganda, barcha bu tadbirdan juda yaxshi taassurotlar bilan qaytdi.