"Xalqaro bolalarni himoya qilish kuni" munosabati bilan shaharda yangi, zamonaviy, barcha talablarga javob beruvchi 48-sonli maktabgacha talim muassasasi ish boshladi. Bugun, uning tantanali ochilish marosimi bo'lib o'tdi. Ushbu tadbirda O'zbekiston Respublikasi Maktabgacha talim vazirligi mutasaddilari bilan birgalikda Milliy olimpiya qo'mitasi Prezidenti Umid Ahmadjonov ham ishtirok etdi. Bayram tadbirida ushbu muassasa tarbiyalanuvchilariga O'zbekiston Respublikasi Prezidentining sovg'alari topshirildi. Ochilish marosimida o'zbek futboli yulduzlari Eldor SHomurodov, Otabek SHukurov, Doston Hamdamov, Jamshid Iskanderov yosh sport ihlosmandlariga master-klass namoyish etib berishdi.
SHuningdek, o'zbek estradasi yulduzlari Jasur Umirov, Bahrom Nazarov, Farhod va SHirin, "Ummon" guruhi kabi elimiz suygan sanatkorlar o'z chiqishlari bilan yig'ilganlarga yuqori kayfiyat bag'ishladilar."O'zbekiston Milliy olimpiya qo'mitasi aholini sportga qiziqtirishni eng quyi bo'g'indan boshlagan. Bu borada muhtaram yurtboshimiz SHavkat Miromonovich Mirziyoevning ko'rsatmalari asosida ish olib boryapmiz. Mana yangi maktabgacha talim muassasasining ochilish marosimida ishtirok etdik. Bu erda bolajonlarning talim olishlari uchun barcha sharoitlar yaratilgan. Bunday muassasalar ko'payishidan xursandmiz", - dedi Umid Ahmadjonov.
Bosh sahifaga
216