Ushbu bayram kattalar uchun bolajonlarning orzularini ushaltirish, ular uchun qo'limizdan kelgan barcha yaxshiliklarni qilishimiz uchun keng imkoniyatdir.
Bu bayramda yurtimiz bo'ylab turli koncertlar, ekskursiyalar, turli musobaqalar tashkil qilinishi ananaga aylangan. Ushbu ananaga rioya qilgan holda O'zbekiston futbol associaciyasi Toshkent shahrining “Bunyodkor” stadionida bolalar uchun katta futbol festivalini tashkil qildi. Festivalda umumtalim maktablarining 7 yoshdan 12 yoshgacha bo'lgan 100 dan ortiq o'g'il va qizlar ishtirok etishdi.
Tadbirning asosiy maqsadi bolajonlarni futbolning sir-asrorlari bilan oz bo'lsada tanishtirish edi. Festivalga taklif qilingan murabbiylar bolalarni guruhlarga bo'lgan holda to'p bilan bajariladigan turli mashqlar hamda topshiriqlar berdilar. Bu mashqlarni alo darajada bajargan bolakaylar o'zlarini maydonda professional futbolchilardek his qildilar.
Maydonda to'p surish imkoniga ega bo'lgan bolajonlar har bir topshiriqni bajarib bo'lgach bir-birlarini zavqu-shavq olqishlab turdilar. Bu esa bugungi kunda yurtimizda futbol sportning eng ommabop turiga aylanganidan dalolat beradi. Darxaqiqat bugun tashkil etilgan futbol festivali buning yorqin misolidir.
Futbol festivalining so'ngida barcha ishtirokchilarga futbol to'plari sovg'a qilindi. Fursatdan foydalanib O'zbekiston futbol associaciyasi yurtimizdagi barcha bolajonlarni ushbu bayram bilan chin dildan muborakbod etadi.
Toshkent shahrida O'zbekiston futbol associaciyasi tomonidan futbol festivali o'tkazildi
/ Kiritdi: BestMaster O'qilgan: 333
Bosh sahifaga
193