Bir oy ichida ikkinchi marta Qoraqalpog'iustonga tashrif buyurgan N.Yuldashev festival tassurotlari bilan o'rtoqlashdi.
«3 kundan beri Qoraqalpog'iston Respublikasi poytaxti Nukus shahrida bugungi tadbirlarga juda katta tayyorgarlik ko'rdik. Avvalo mana shu tadbirni tashkil etishda yordam bergan yurtboshimizga minnatdorchilik bildiramiz. Qoraqalpog'istondagi rasmiy vakillarga ham katta rahmat aytamiz. Qars ikki qo'ldan chiqadi deb bekor aytishmaydi. Muhimi xalq xursand bo'ladigan katta tadbirga qo'l urdik.
Asosiy etibor bolalar futboliga ekanligi, bizning ertangi kunimiz bilan bog'liq. Ularni qanday tarbiyalasak, ertangi kunimizda biz umid bilan yashasak bo'ladi. Aynan bugungi kungi tadbirimiz fan va sportni birlashtirishi bizning kelajagimizni to'g'ri qo'llarda va to'g'ri strategik yo'nalishda ketayotganligidan dalolatdir.
Mana bugun stadionda bo'lib o'tayotgan tadbirda 500 dan ortiq bolalar ishtirok etishmoqda. 1000 dan ortiq sovg'alarni tuman va shahardagi bog'chalarga topshirib chiqdik. U erlarda mana shunday festivallarni kichik ko'rinishda o'tkazib, O'zbekiston terma jamoasi futbolchilari yordamida bollarni xushnud eta oldik deb o'ylaymiz. Bizning vazifamiz nima? Bolalar qanchalik xursand bo'lsa, ular rozi bo'lsa ertangi kunda bizga shunday etibor ko'rsatishadi.
Bolajonlarning quvonchini tariflashga til ojiz. Futbol shunday narsaki u millat, til, yosh tanlamaydi. Barchasida bir xil. Ajratish yo'q. Muhimi bolalar xursand. Bizga boshqa hech narsa kerak emas. Biz qilayotgan mehnat bolalarning quvonchi ichida yuvilib ketadi. Yani buning yuki og'ir bo'ladimi, engilmi buning farqi yo'q. Bolalar xursand bo'lsa bo'ldi, bizni charchog'imiz chiqadi», deydi N.Yuldashev.
Furqat Yusupov suhbatlashdi
Bosh sahifaga
305