Bugun faqatgina jismoniy tayyorgarlik bo'yicha mag'lub bo'ldik. Bunda biz ham aybdormiz, yigitlar faqat o'yinlarga kelishadi, mashg'ulotlarda qatnashishmaydi. Bundan keyin rahbariyat barcha sharoitlarni yaratishga vada bergan. Navbatdagi o'yinlarda iloji boricha vaziyatlardan foydalanishga harakat qilamiz.
Pro-ligani A va B zonalarga bo'lib, juda yaxshi ish qilishgan. CHunki B mintaqasida jamoalarning tashkilotchiligi, tayyorgarligi borasida kamchiliklar ko'zga tashlanmoqda. Zonadagi barcha jamoalarning kuchi o'zaro teng, deb hisoblayman. Barcha jamoalar o'zaro raqobatga kirisha olishadi.
Bizda 3 nafar darvozabon bor. Moliyaviy tomondan biroz qiyinchiliklarga tushib qoldik. Yigitlar esa bunga sabr qilishmadi va jamoadan ketib qolishmoqda. Ammo ayb barchada, futbolchilarda, murabbiylarda va rahbariyatda. Endilikda klubdagi siyosat anchagina yaxshi. Ikkinchi davrada darvozabonlar borasida ish olib boramiz, ularni qaytarishga harakat qilamiz. Ularning shartnomasi bor, shu boisdan mashg'ulotlarda, yig'inlarda o'zlarini ko'rsatishlari kerak. Ertaga ular mana shu shartnomaga qarab pulini talab qiladi. Biroq ular biz qo'yayotgan talabni bajarmayapti. Agarda barchasi men istagandek bo'lmasa, futbolchilar mehnat qilmasa, men ham associaciyaga arznoma bilan chiqaman.
Hozirda jamoaning rasmiy bosh murabbiyi o'zimman. Ha, oldinroq sog'lig'im ko'tarmagani sababli jamoadan ketmoqchi bo'lgandim. Oradan vaqt o'tib, rahbariyat bilan yana kelishib oldim. Agarda vaqtlar davomida rahbariyat futbolchilarimizning o'sishi uchun sharoitlar qilib bermasa, bu ayrim muammolarni keltirib chiqaradi. Xudo xohlasa, barchasi yaxshi bo'ladi. "Xotira-79"ning nomi o'sha halok bo'lgan "paxtakorchilar" sharafiga qo'yilgan. SHu boisdan men faqatgina yoshlar, balki kattalardan ham yaxshi o'ynashlarini talab qilyapman. Hech kim mening ishimga aralashishi kerak emas. SHunday bo'lgan taqdirda ayrim o'zgarishlar bo'lishi mumkin", - dedi Mullaoxunov.
Mirjalol Normatov suhbatlashdi
Bosh sahifaga
125