"Qiyin, og'ir o'yin bo'ldi. Biz muammolar qarshisida qolib ketdik. O'tgan o'yinda Elbek Ravshanovning qizil kartochka olgani bugun bilindi. Bir necha etakchilarsiz harakat qilishga majbur bo'ldik. "Labsa" bilan safardagi bahsda Farruh SHotursunov maydondan chetlatilgandi. Uning xizmatidan 3 bahsdan buyon foydalana olmayapmiz. U keyingi turdan yana maydonga qaytadi.
Bitta tarkib bilan o'ynayapmiz. Oldin ham aytganimdek zaxiramiz tor. 15 iyundan etiboran transferlar oynasi ochiladi va tarkibga 2-3 nafar tajribali futbolchilarni qo'shib olaman deb niyat qilganman. Tarkibga ahamiyat bersak, Ruslan Vagapovning bir o'zi, shunday yozga kirgan bo'lsa-da, ikki bo'lim mobaynida yoshlar bilan tengma-teng yugurmoqda. Murod Rajabovga umuman dam berilmayapti. Futbolchilarga berilgan yuklama meyoridan oshib ketgan. Endi shunday qilamizki, ayrim futbolchilarga bemalol dam berib, uning o'rniga olib kelinganlar bilan xotirjam o'yinni o'tkaza olamiz.
Muammolar ustiga muammolar. CHap qanot himoyachimiz jarohat oldi. Uning o'rnini kim bosishi borasida qattiq o'ylanyapman. Keyingi bahsda etakchilardan biri "Yozyovon" jamoasiga qarshi safarda bahs olib boramiz. Umid qilamanki, uning o'zi uchrashuvgacha safga qaytadi.
Ha, Orifxo'ja Abduholiqovning o'yinlarida biroz pasayish bor. Biroq hujumchi har doim ham gollar kiritishi uchun mukammal poziciyada bo'lishi kerak. Mashg'ulotlarda unga har doim qanday joylarda bo'lish kerakligini fishkalar qo'yib, yaxshi darajada tushuntirishga harakat qilaman. Yaqinda biz shifokorlar terma jamoasi bilan nazorat uchrashuvini u ko'tarinki kayfiyatda o'tkazib, ikkita gol kiritgandi. Ammo, bizda boshi yoki oyog'iga to'pni aniq tashlab beradigan futbolchilar yo'q. SHu borada ham ko'p ishlash kerak.
"Xotira-79" ham yaxshi jamoa ekan. Safardagi uchrashuvda 10 kishi bo'lib, 2:0 hisobida mag'lub etgandik. O'rtada katta tanaffus bo'lgani uchun bahsga yaxshigina tayyorlanib oldik. Natija yomon emas, g'alaba qozondik. Yigitlarga rahmat aytaman", - dedi Vohid Xolboev.
Mirjalol Normatov suhbatlashdi
Bosh sahifaga
162