Bir yarim mavsum davomida jamoani boshqarib kelgan Viktor Balyutovich, jamoa rahbariyatiga murojaat etib, amaldagi shartnomani bekor qilishni so'ragan. O'zaro kelishuvga ko'ra bugundan boshlab Kumikov va jamoa o'rtasidagi mehnat shartnomasi bekor qilindi.
SHuningdek, jamoani o'z arizasiga binoan katta murabbiy Oleg Kornienko, murabbiy Roman Uzdenov, jismoniy tayyorgarlik bo'yicha murabbiy Marat Axmerov va shifokor Mahsudjon Nazarovlar bilan ham amaldagi shartnomalar bekor qilindi.
Malumot o'rnida Viktor Kumikov 2017 yilgi mavsum boshida jamoani qabul qilib olgandi. U o'tgan davr mobaynida jamoamizni milliy chempionatda 43 o'yinda maydonga boshlab tushdi. Bu uchrashuvlarda AGMK 15 g'alaba, 12 durang va 16 mag'lubiyat qayd etdi. To'plar nisbati 42:48.
SHuningdek, jamoamiz O'zbekiston kubogi bahslarida o'tgan yil 3 o'yin o'tkazib bir g'alaba va ikki durang qayd etgan bo'lsa, bu yilgi kubok bahslarida ikki g'alaba bilan bosh sovrin yo'lida ishtirokini davom ettirmoqda.
AGMK rahbariyati, murabbiylar shtabi va futbolchilar Viktor Balyutovichga kelgusi faoliyatida omad va zafarlar tiladi. SHu bilan bir qatorda jamoa yutuqlariga o'z hissasini qo'shgan Oleg Kornienko, Roman Uzdenov, Marat Axmerov va Mahsudjon Nazarovlarga ham keyingi faoliyatlarida omad tilaydi.
Jamoaning yangi bosh murabbiyi bugun kechki mashg'ulotdan so'ng rasman elon qilinadi.
Rasman: Superligada navbatdagi istefo ruy berdi
/ Kiritdi: BestMaster O'qilgan: 503
Bosh sahifaga
1131