Takidlash joizki, “B” guruhida ishtirok etayotgan “Nurafshon” jamoasi Toshkent viloyati sharafini munosib himoya qilmoqda. Navbatdagi o'yinda o'z uyida “Xotira-79” (Uychi tumani, Namangan viloyati) jamoasi bilan kuch sinashgan "yo'lbarslar" bor mahoratlarini ishga solgan holda 3:1 hisobida zafar quchib peshqadamlik mavqesini yanada mustahkamlab olishdi. Mazkur qarama-qarshilik mezbonlarning to'liq ustunligi ostida o'tdi. O'yinning 16-daqiqasida Murod Rajabov chamasi 17 metrlardan raqib darvozasini aniq nishonga oldi, 1:0.
24-daqiqaga kelib, maydon egalari hisobni yanada oshirishdi. Bu pallada “Nurafshon”ning iqtidorli va umidli futbolchilaridan Ruslan Veklich himoyachilarni ortda qoldirgan holda raqib jarima maydonchasi ichiga yorib kirdi va zarba berdi. Uning zarbasi to'singa va raqib himoyachisiga teggan holda, darvozaga kirib ketdi, 2:0. Birinchi bo'lim ushbu hisob bilan yakunlandi.
Kutilganidek, ikkinchi bo'limda ham mezbonlarning ustunligi yaqqol sezilib turdi. Biroq taymning boshini mehmonlar hujumkor boshladi. Ammo ular vaziyatlardan foydalana olishmadi. 67-daqiqada maydon egalari to'purari Orifxo'ja Abduholiqov o'zining chiroyli zarbasi bilan darvozani ishg'ol etdi, 3:0. To'p ustunga teggan holda golga aylandi.
Oradan ko'p o'tmay, namanganliklarning ham oldinga bo'lgan yurishlari o'z samarasini berdi. Baxtiyor Qosimovning zarbasini posbon qaytara olmadi, 3:1. Keyingi daqiqalarda o'yin surati biroz tenglashdi. Goh u, goh bu tomon hujumlarga o'tib turdi, biroq boshqa gollar kiritilmadi.
Ushbu g'alabadan so'ng 22 ochko jamg'argan “Nurafshon” o'z guruhida yaqqol peshqadamga aylanib oldi.
“Nurafshon” – “Xotira-79” 3:1
Hakamlar: E.Tursunov, SH.Erkinov, B.Xudoyberganov.
Nazoratchi – V.SHashkov.
Komissar – R.CHernikov.
Gollar: Murod Rajabov 16, - 1:0. Ruslan Beklich 22, - 2:0. Orifxo'ja Abduxoliqov 67, - 3:0. Baxtiyor Qosimov 73, - 3:1.
"Nurafshon": 1. Ravshanbek Yagudin (35. Abdukarim Muhamedov, 83), 7. Muhammadodil Qahramonov (9. Rixsixo'ja Ahmadxo'jaev, 85), 8. Dostonbek Bahromov (80. Asqar Jajigerov, 70), 10. Murod Rajabov (20. Orifjon Hakimjonov, 89), 13. Ruslan Veklich, 14. Dilshod Fayziev, 15. Abdurasul Komilov, 17. Abdug'ani Kamolov (2. Nurjas Qambarov, 90), 19. Ruslan Vagapov, 27. Murodjon To'ychiboev, 33. Orifxo'ja Abduholiqov.
Zaxira: 3. Abbos Isroilov, 4. Abdumurod Ismoilov.
"Xotira-79": 30. Muhammadali Ashurov, 2. Mahmudjon Najmiddinov, 6. Baxtiyorjon Qosimov, 9. Sohib Abdullaev (10. Akbarsho Rashidxonov, 65), 11. Sobir Hamidov (8. Sunnatillo Rustamov, 67), 12. Sanjar Toshpo'latov (5. Rahmonjon O'rinov, 86), 13. Ilyos Sadriddinov, 14. Botirbek To'raboev, 16. Boburbek Mamajonov, 18. Yodgor Nazarov (15. SHuhrat Hamidov, 81), 19. Fozilbek Dehqonov.
Zaxira: 17. Omadbek Toshtemirov.
Bosh sahifaga
1967