O'zbekiston Respublikasi Prezidentining 2018 yil 5 martdagi “Jismoniy tarbiya va ommaviy sport sohasida davlat boshqaruvi tizimini tubdan takomillashtirish chora tadbirlari to'g'risida”gi PF-5368-sonli Farmoni hamda 2017 yil 3 iyundagi “Jismoniy tarbiya va ommaviy sportni yanada rivojlantirish chora tadbirlari to'g'risida”gi PQ-3031-sonli Qarorlari ijrosini taminlash, aholining barcha qatlamlarini jismoniy tarbiya va ommaviy sportga jalb qilish, sog'lom turmush tarzini targ'ib qilish maqsadida O'zbekiston futbol associaciyasi tomonidan bir qator ishlar amalga oshirilmoqda.
Jumladan, 2018 yil 5 iyun kuni O'zbekiston futbol associaciyasida, Huquqni muhofaza qiluvchi organlari xodimlari va harbiy xizmatchilar o'rtasida tashkil qilinayotgan “O'FA kubogi” musobaqasiga qura tashlash marosimi bo'lib o'tdi.
Qura natijalariga ko'ra “A” guruhidan Favqulotda vaziyatlar vazirligi hamda O'zbekiston Respublikasi Bosh prokuraturasi jamoalari joy olishgan bo'lsa, “V” guruhi Ichki ishlar vazirligi, Mudofaa vazirligi va Davlat soliq qo'mitasi jamoalaridan tashkil topdi.
Ushbu jamoalar o'rtasidagi o'yinlar joriy yilning 18 iyunidan 20 iyuniga qadar Andijon va Jizzax shaharlarida o'tkaziladi.
Bosh sahifaga
1747