Muxtor Qurbonov: "Kumikov boshchiligida jamoa o'yini biroz zerikarli edi"

Ushbu intervyu chog'ida Qurbonov jamoa sobiq bosh murabbiyi Viktor Kumikov haqidagi savolga ham javob berdi: 

- Murabbiyga omad etishmadi. Tug'ri o'ziga yarasha qiyin o'yinlarni o'tkazdik. Ammo har bir bellashuvda golli imkoniyatlardan foydalan olmayapmiz. Aytishim mumkinki, bu bizning katta muammoimizga aylandi. Bundan tashqari, jamoamizda biroz zerikarli futbol yuzaga kelib qoldi. To'g'ri, jamoamiz gollar urayapti, urmayapti emas. Ammo shu bilan birga oxirgi paytlarda o'z darvozamizdan ham ko'proq gollarni o'tkazib yuborayapmiz. O'zingiz ham ko'rib turibsiz, futbol borgan sari rivojlanib bormoqda. Mavsum boshida tarkibimizdagi o'yinchilar saralanib olingandi. Lekin ularning hammasi ham ishonchni oqlay olishmayapti, - dedi Muxtor Qurbonov "Futbol Ekspress" gazetasiga. 

- Kumikovdan oldin Lutfulla To'raev va Vadim CHemirtan ham klubni tark etgandi...

- To'raev ketmagan. U jamoamiz bilan birga. Ayrim sabablarga ko'ra mashg'ulotlarimizda ishtirok etmagandi. Faqat CHemirtan AGMKni tark etdi. To'g'risi uning o'yini qovushmadi. Legioner hujumchi sifatida bitta gol urdi xolos. SHu bois bu futbolchi bilan xayrlashdik.