Bu yil OFK jahon chempionatida ishlaydigan hakamlar soni bo'yicha rekord o'rnatadi. CHunki qitamizdan 15 nafar hakamlar brigadasi mundialga jalb qilingan. OFK veb-sayti qanot hakamlari borasida qisqacha malumot berdi.
Xususan maqolada hamyurtimiz Abdulhamid Rasulov haqida shunday deyiladi: "Rasulov hakamlik faoliyatini 2011 yildan boshlagan va 2006 yilga kelib FIFA referisiga aylandi. U 2011 va 2012 yillarda eng yaxshi qanot hakami deb topilgan. Abdulhamid Rasulov mana bir necha yildirki turli musobaqalarda Ravshan Ermatovga yordam berib kelyapti. U katta tajribaga ega".
A.Rasulov: "Men uchun hozircha eng ko'p esda qolgan voqea bu 2014 yil Braziliyada bo'lib o'tgan jahon chempionatidir. Bu onlarni unutib bo'lmaydi. Rossiyadagi mundialda ham muxlislar ishonchini oqlashga harakat qilamiz".
JCH-2018 yana bir qanot hakamimiz Jahongir Saidov uchun dastlabki mundial bo'ladi. Saidov hakamlik faoliyatini 2002 yilda boshlagan va 2010 yildan beri FIFA referisi hisoblanadi. U bungacha JCH saralash o'yinlari, OCHL bahslari, Osiyo Kubogi va boshqa bir qator musobaqalarda ishlagan.
J.Saidov: "Men uchun eng esda qolarli turnir 2017 yilgi klublar o'rtasidagi jahon chempionati bo'lib turibdi. SHuningdek, OCHL final o'yinlari hamda 2015 yil Avstraliyada o'tkazilgan Osiyo Kubogi ham alohida ahamiyat kasb etadi".
Osiyo hakamlari jahon chempionatiga tayyor
/ Kiritdi: BestMaster O'qilgan: 335
Bosh sahifaga
215
