Unda O'zbekiston milliy va olimpiya terma jamoalari o'zining uy uchrashuvlarini o'tkazish belgilab qo'yilgan. “Milliy stadion”, shuningdek, O'zbekiston Kubogining yuqori bosqichli o'yinlariga, xalqaro darajadagi futbol uchrashuvlariga mezbonlik qiladi. U mamlakatning bosh arenasiga aylanadi.
O'FA stadionga muxlislarni jalb qilish ustida ish olib boradi. Ishqibozlar faqatgina futbol uchrashuvlari vaqtida emas, qolgan kunlarda ham stadion atrofida erkin sayr qilishlari, ko'ngil yozishlari uchun bosqichma-bosqich sharoitlar yaratiladi. Stadion muxlislarga yaqinlashish yo'lidan yuradi.
Stadionga tutash hududda barpo etilgan futbol akademiyasi esa O'zbekiston futbol associaciyasiga qarashli akademiyaga aylantiriladi. Sir emaski, rejaga ko'ra yaqin vaqt ichida O'zbekistonning 14 ta hududiy birligida 1 tadan bolalar va o'smirlar futbol akademiyalari ish boshlaydi. Mazkur akademiyalarni esa O'FA qoshidagi respublika futbol akademiyasi birlashtirib turadi. Yani, hududiy akademiyalarning eng oldi futbolchilari respublika futbol akademiyasiga qabul qilinadi.
Bosh sahifaga
1183