Ayni paytda Ravshan Ermatov boshchiligidagi o'zbekistonlik hakamlar guruhi Rossiyadagi FIFAning hakamlar uchun mo'ljallangan maxsus bazasida butun dunyodan tashrif buyurgan referilar bilan birgalikda Jahon chempionatiga so'nggi tayyorgarlikni boshlab yuborgan.
Hakamlar ham xuddi futbolchilar singari jismoniy hamda ruhiy-psixologik mashqlarni bajarmoqdalar. Ravshan Ermatov va uning yordamchilari Abduhamidullo Rasulov hamda Jahongir Saidovlar barcha mashg'ulotlarga faol qatnashib bo'lajak o'yinlarga jiddiy tayyorgarlik ko'rmoqdalar.
Ravshan Ermatov 2010 va 2014 yilgi Jahon chempionatlarida jami 9ta o'yinni boshqargan holda, rekord sohibi bo'lib turibdi. Rossiyadagi mundialda ham unga uchrashuvlarni boshqarish nasib etsa, o'zining rekordini yaqin kelajakda dunyodagi boshqa hech qaysi hakam takrorlay olmaydigan darajada yangilashi mumkin.
O'zbekiston futbol associaciyasi yosh hakamlarning malakasini oshirish, ularning Jahon chempionatlari uchrashuvlarini boshqara olish darajasiga chiqishlari yo'lida barcha imkoniyatlarni yaratib berishda davom etadi.
Fotolar muallifi Anvar Ilyosov (Jahon AA)
Bosh sahifaga
243