- Natijadan xafamiz. Har bir o'yinda biz maksimal darajada ochkolarni qo'lga kiritishni istaymiz. Qanday raqib bilan bo'lsa ham ochko jamg'arishimiz kerak. O'yinga keladigan bo'lsak, butun uchrashuv davomida "Lokomotiv"ning ustunligi sezilib turdi. Agarda omad biroz biz tomonda bo'lganida durangga ega chiqar edik. Gol urganimizdan keyin tezkor javob qabul qilib olganimiz bizga ruhiy tomondan yomon tasir qildi.
Rahbariyat tomonidan oldimizga kuchli oltilikka kirish vazifasi qo'yilgan. Buni hech kim o'zgartirgani yo'q. Bu uchun maksimal darajada harakat qilishimiz kerak. Futbolda maqsadsiz o'ynashning qizig'i yo'q. AGMK oldindan chiroyli o'yin ko'rsatib, yuqori maqsadlar qo'yadigan jamoa. SHu boisdan kuchli oltilikka kirishimiz darkor.
Transferlar? Baribir mavsum yoki davralar oralig'ida har bir jamoada o'zgarishlar bo'ladi. Bizda ham shunday. Jamoada raqobatni kuchaytirishimiz kerak. Lekin biz o'zimiz istagan futbolchini tarkibga qo'shib olishimiz qiyin bo'ladi. CHunki futbolchilarda o'z klublari bilan shartnomalari bor. Ikkinchi davrada raqobatbardosh jamoa tuzishga intilamiz.
O'zim himoyachi bo'lganman. Muxlislarga jangavor futbol yoqadi. Standartlarga ham etibor beramiz. Jangavor o'yin ko'rsatmasak, muxlislarni stadionlarga qaytarish qiyinchilik tug'diradi. Yigitlarga uchrashuvdan oldin aytib o'tgandim: butun o'yin davomida himoyalanib bo'lmaydi, to'pga egalik qilish kerak. Biroq barchasi biz o'ylagandek ko'rinish olmadi. "Lokomotiv" to'p bilan ko'proq bo'ldi. SHu boisdan to'psiz jamoa anchagina qiynaldi.
Moliyaviy tomondan imkoniyatlarimiz yaxshi, barchasi joyida. Kamchiliklar yo'q, shu boisdan rahbariyatga rahmat aytaman. Endi biz shunday etiborga munosib ravishda natijalar bilan javob berishimiz kerak.
Qaydnomaga kam o'yinchi kirishining sababi - futbolchilarning kamligi. Bir necha futbolchilarimiz jamoadan ketgan, jarohat olgan, diskvalifikaciyada.
To'rt kun davomida yigitlar dam olishadi. Keyinchalik 19 iyunda Belorusga uchib ketamiz. U erda 3ta o'rtoqlik o'yinida qatnashamiz.
Lutfulla To'raev Malayziya jamoasiga o'tishi kerak edi. Biroq u jamoada qoldi. Endi u biz bilan ikkinchi davrani ham o'tkazadi.
Fursatdan foydalanib, muxlislarga rahmat aytaman. Endi jamoani kuchaytirib, ularning qo'llab-quvvatlashiga mos o'yin ko'rsatamiz.
Bosh sahifaga
1744